MBBA Inter Veng 2025Mizo Basketball Kutpui – Naktuk a ni ta!
MBBA Inter Veng 2025
Mizo Basketball Kutpui – Naktuk a ni ta!
Mizoram Basketball Association (MBBA) buatsaih tur Inter Veng basketball inelna chu naktuk, July ni 3 (Ningani) hian Tan a ni dawn ta.
Champhai, Aizawl leh Thenzawl East aTangin basketball player bakah team enkawltu an fuankhawm dawn a, R. DengThuama Indoor Stadium-ah he inelna hi ni 13 chhung (July ni 3 – July ni 18) neih a ni dawn.
Hahpui tham inelna buatsaih
He inelna buatsaihtu MBBA tan hian sum senso buaipuitu fund raising sub committee vah darh sang sang a ngai a; technical sub committee leh organising sub committee vawi tam hnatlan a ngai bawk; information & publicity sub committee tan inhmuhkhawm fo a Tul! Inelna hmun tur R. DengThuama hall panna kawng hi hahna tham a tling hrim hrim cheu!
Hetiang hi inbuatsaihna kal kawng, mi tam takin an hriatpui loha sports association hruaitu hrang hrangte’n kum tam ngawi renga an lo hlenchhuah tawh Thin a ni a, mi inpekna hre lova mahni choka aTanga lo sel leh rik ve pawp pawp hi hawihhawmna tlachhamte zia a ni!
Say no to plastic bottle!
Team tin enkawltu lam tan chanchin Tha, sum senna kiam duak tur ‘bring your own bottle’ (byob) hi MBBA puipate’n an ngaipawimawh hle. Mahni tuium (bottle) Theuh nen Mizo Basketball Kutpui, Inter Veng 2025 i chhim ang u.
Inkhel turte
Naktuk dar 10 aTangin inkhel Tan a ni dawn a, match hmasa berah U-23 neih zawh taka quarter-final thleng pha College vengin an player Tha Tleipuia hovin Mizoram basketball inelna huanga hniak nei lian ber pawl Tuikual South an hmachhawn tur hi bul Tanna fuh leh en chakawm a ni nghal pang!
Tuithiang vengin an star player Hriata hovin MSL club nei veng, Chanmari an tum tur pawh hi inkhel an Tang viau ang.
Zan lama Vaivakawn veng hmaa ding tur, club hlun leh Tha Venghlui OPD neitu Venghlui hi eng tiata lian nge an nih a hriat bawk ang.
A tawi zawngin sawi ila, Aizawl veng 12 inlan ni ah hian puanthuah tel nghal tur veng paruk an awm nghal pang dawn a, mahni veng tana thawhchhuakte Tawiawm hman loh palh a hlauhawm.
- College Veng vs Tuikual South – 10am
- |huampui vs Chanmari West – 11:45am
- Khatla East vs ITI Veng – 2pm
- Tuithiang vs Chanmari – 3:45pm
- Luangmual vs Chawnpui – 6:15pm
- Vaivakawn vs Venghlui – 8pm