MCS (Combined) Mains Exam mek
Mizoram Civil Services (Combined Competitive) Mains Examination 2024 chu October 22 atang khan Aizawl leh Lunglei Centre ah neih a ni a, exam hmachhawn 339 an awm.
MCS Mains Exam 2024-ah hian paper 8 awmin, October 22 – 25 chhungin chawhma leh chawhnuah exam kalpui thin a ni a. Tun tumah hian a vawikhatna atan Question cum Answer Booklet (QCAB) hman a ni.
Centre pahnihah buatsaih niin, Aizawl Centre – MPSC Examination Hall MINECO leh Lunglei Centre – Govt Higher Secondary School Lungleiah neih a ni. Aizawl Centre-ah hian exam hmachhawn candidate 325 awmin, Lunglei Centre-ah candidate 14 an awm. Hetihlai hian October 24-a chawhnua paper 6-na, General Studies-IV exam hmachhawn MPSC Centre-ah 308 leh Lunglei Centre-ah 13 an awm thung. Vawiin – October 25 hian optional paper (paper-I & II) an exam leh ang.
MCS (Combined Competitive) Examination 2024-ah hian MCS post 14 +1(PwBD), MPS post 8, MF&AS post 8 leh MIS post 3 lak a ni dawn a ni.
MCS (Combined) Mains Exam mek
Get real time updates directly on you device, subscribe now.
Prev Post
Next Post