Lai Autonomous District Council huamchhunga village council inthlanpui leh Lawngtlai Chandmary MDC by election-ah Ningani khan vote thlak a ni a, MDC bikah hian vote zaa 52.97 a tla.
LADC hnuaiah hian VC 99 awmin, Hmawngbuchhuah-ah inthlan chuh tura endikna paltlang zo an awm loh avangin inthlan buatsaih a ni loa; Saikhawthlir VC-a seat 5 awmah chuhtu 5 (INC 1 leh ZPM 4) awmin, khingtu dang an awm lo a, tling puan an ni. VC 97-ah inthlan buatsaih niin, voter tam zualna VC thenkhatah auxiliary polling station dah belh a nih avangin polling party 112 an awm.
Lawngtlai Chandmary MDC by election ah hian BJP, MNF leh ZPM ten candidate an nei a. Vote nei 2798 awmin, hriat theih chinah vote zaa 52.97 a tla a ni.
VC inthlanah hian ballot paper hman a ni a, MDC by election-ah hian electronic voting machine hman a ni thung. VC inthlana vote tla vote thlak zawha chhiar nghal a ni a; MDC by election-a vote tla hi July 1-a chhiar tur a ni.
MDC by election-ah vote 52.97% tla
Get real time updates directly on you device, subscribe now.
Prev Post