Mizoram Synod hnuaia Zirlai Viltu Committee-in a din, Synod Resource Centre-a inziaklut zinga All India Civil Services Exam (Prelims) a inziak tling, Lalremsiama Darchhun hnenah incentive Rs. 80000 hlan a ni.
Synod Resource Centre din a nih tirh atanga CSE (Prelims) inziak tling hmasa ber leh awmchhun Lalremsiama Darchhun hi HSLC (MBSE) a exam dawnin a pa a boral a, topper a ni tho a. HSSLC (Scice) topper ni lehin, St. Stephen’s College Delhi atangin BSc (Physics) a zo tawh a ni.
Zirlai Viltu Committee hian a din tirh atangin All India Service hrang hranga Mizo thalaite an inziah tlin theihna turin hma a la a. A mamawhten an pan theih turin Synod Resource Centre dinin, All India Service pensioner, mi tlawmngaiten Centre hi an vil thin a ni. Kum 2021 atang khan incentive hi pek a ni a, 2021 khan mi pasarih hnena pek a ni. Kum 2022-ah mi pali hnenah pek a ni bawk. CSE(Prelims) a Mizo inziak tling chu pek vek thin an ni a. Kum 2024 atang chuan Synod Resource Centre atanga inziak tlingte chauh pek an ni.
All India Civil Service Exam prelims-a tling hnenah puihna
Get real time updates directly on you device, subscribe now.
Next Post