‘Mera Bill Mera Adhikar’ scheme kalpui dawn

Sorkar chuan ‘Mera Bill Mera Adhikar’ invoice incentive scheme, cash prize Rs 10,000 atanga Rs 1 crore thleng pek theihna chu September 1 atangin State paruk leh Union Territories ah te a kalpui dawn.
He scheme hian a tum ber chu thil an lei apianga customer tena bill dil tir niin Assam, Gujarat leh Haryana bakah UTs – Puducherry, Daman & Diu and Dadra & Nagar Haveli ah te kalpui a ni ang tiin Central Board of Indirect Taxes and Customs (CBIC) te chuan an sawi a.
“Invoice incentive scheme hmang hian GST invoice upload thatah cash prize hlawh theihna siam a ni” tiin CBIC te chuan an tarlang bawk.
Goods and Services Tax (GST) registered suppliers atanga consumers te hnena invoice pek tin te chuan ‘Mera Bill Mera Adhikar’ scheme hi an dawng thei dawn a, thlatin leh quarterly draw siam niin chuta tang chuan lawmmanah pawisa fai pek thin a ni dawn a ni.
Lucky draw a tel pha tura mimal tan minimum purchase value chu Rs 200 a ni ang a, thla khatah invoice 25 zel upload theih a ni ang.
‘Mera Bill Mera Adhikar’ scheme hi IOS leh android platform ah chhawpchhuah ve ve a ni ang a. App a inovice upload chuan seller GSTIN, invoice number, amount paid leh tax amount te a keng tel ngei tur a ni.
He scheme hi khua leh tui tena seller te hnen atanga genuine invoice an neih theih nan leh dil ngei theih nana hmalakna a ni.