MES din turin MZP-in minister ngen

Mizoram zirna enkawltu tur Mizoram Eduction Service (MES) din turin Mizo Zirlai Pawl chuan minister an ngen.
MZP Gen. Hqrs hruaitute chuan Nilaini tlai khan School Education leh Higher & Technical Education minister Dr Vanlalthlana chu a pisa-ah hmu in Mizoram zirna in hma a sawn zel theih nan leh a enkawltu mumal tak an awm theih nan MES din turin sawrkar thuneitute vawi tam a lo ngen tawh thin a. Sawrkar tharin policy-ah a neih ang ngeiin, Mizoram zirna enkawtu tur bik MES din turin an ngen. Heng bakah hian RUSA hnuaia college building sak mek, a huna zawh loh tam lutuk chu enzui turin an ngen bawk.
Minister chuan MZP thu thlen hi an lo enzui tur thuin a chhang a, hma an lak tan tawh thu leh Education Reforms Committee-in a zirchiang mek tih sawiin, RUSA hnuaia hnathawk mekte a hmunah a tlawh mek thu leh theih ang anga a enzui tur thu a lo sawi. Sawrkar hmalaknaah tawiawm zel turin MZP hi a sawm a ni.
MZP chuan DIET building hmun hrang hrang sak mek pawh a sak dan chungchangah sawiselna tam tak an dawn avangin a tul anga enzui an tum thu minister hi an hrilh a, a tawiawmna an ngen nghal a ni.