Messi tel lo Argentina squad chu…

Messi tel lo Argentina squad chu…
Thla thar South American World Cup qualifiers-a Chile leh Colombia hmachhawn tur Argentina squad thar Thawhtannia puan takah an captain chhuantawlawl Lionel Messi hming a lang lo a, hei hi a chhan Argentine FA lamin sawifiah nghalin, hliam vanga hahdamtir a nih thu an sawi.
Kum 37-a upa ni tawh chunga a vanglai la hmang tih ngam Messi hian thla hmasa United States-a Copa America final-ah khan a kheimit a tina a, Argentina 28-man squad-ah a lang ve ta lo a ni.
Inter Miami player hi club lamah damchiang turin a inenkawl mek a ni.
Argentina squad tharah hian River Plate goalkeeper Franco Armani chuan hmun a chang lo a; Copa America zawh ruala national team chhuahsan fel ve ta striker Angel Di Maria pawh hmuh tur a awm ta lo bawk.
Coach Lionel Scaloni chuan a vawikhatna atan midfielder Ezequiel Fernandez leh striker Valentin Castellanos-te chu senior squad-ah a senglut a; anni pahnih bakah hian ram tana la inlan tam lo player naupang engemawzat a senglut leh a, chu’ng zingah chuan Alejandro Garnacho, Valentin Carboni, Valentin Barco leh Matias Soule an tel.
September ni 5 khian Buenos Aires-a Monumental stadium-ah Argentina hian Chile an mikhual ang a, he hunah hian Angel Di Maria pualin hun tawo hman a ni dawn nghe nghe.
Ni nga a liam leh rualin Barranquill lamah Colombia an hmachhawn zui leh ang.

Argentina squad

Goalkeepers: Walter Benitez (PSV Eindhoven), Geronimo Rulli (Olympique de Marseille), Juan Musso (Atalanta), Emiliano Martinez (Aston Villa).

Defenders: Gonzalo Montiel (Sevilla), Nahuel Molina (Atletico Madrid), Cristian Romero (Tottenham Hotspur), German Pezzella (River Plate), Leonardo Balerdi (Olympique Marseille), Nicolas Otamendi (Benfica), Lisandro Martinez (Manchester United), Nicolas Tagliafico (Olympique Lyonnais), Valentin Barco (Brighton & Hove Albion).

Midfielders: Guido Rodriguez (West Ham United), Alexis Mac Allister (Liverpool), Enzo Fernandez (Chelsea), Giovani Lo Celso (Tottenham Hotspur), Ezequiel Fernandez (Al Qadsiah), Rodrigo De Paul (Atletico Madrid), Nicolas Gonzalez (Fiorentina), Leandro Paredes (AS Roma).

Forwards: Alejandro Garnacho (Manchester United), Matias Soule (AS Roma), Giuliano Simeone (Atletico Madrid), Valentin Carboni (Marseille), Julian Alvarez (Atletico Madrid), Lautaro Martinez (Inter Milan), Valentin Castellanos (Lazio).