Mexican Navy lawngin Brooklyn Bridge a sutah mi pahnih thi

Mexican Navy lawngin Brooklyn Bridge a sutah mi pahnih thi
Mexican Navy training sailboat-in New York City-a Brooklyn Bridge a sutnaah mi pahnih an thi a, mi dang 19-in hliam an tuar bawk niin mayor-in a sawi.
Eric Adams-a hian Cuauhtémoc hian Inrinni zan (India-a Pathianni tuk) khan lei hi a su tih a sawi a. US thuneitute chuan lawngah hian mi 277 an chuang a, an vai hian inthian thatna hnuaia an ram tlawh an ni tih an sawi.
Video darhah chuan khawvel hriat hlawh lei hnuaia a kal lai hian Cuauhtémoc-a ban sang chu leiah hian a inbat tang a ni.
Thawktute chu insut lai hian ban sangah hian an ding hlawm niin thuneitute chuan an sawi a, na taka insawiin lawng chhuat zawlah an tla niin an sawi bawk.
New York City Mayor Adams chuan mi pahnih an thih thu leh 19 an inhliam thu X-ah tar langin an zinga pahnih chu an dinhmun a tha vak lo tih a tar lang.
Mayor chuan a hmain Brooklyn Bridge-ah chhe liantham a awm lo tih a sawi a, US thuneitute pawhin tumah tuia tla an awm lo niin a sawi.
Mexico-a navy chuan hliam tuar hi mi 22 tiin an puang hman tawh a. Thil thlen dan an chhui nghal thu an sawi bawk.
Cuauhtémoc hian ban sang a neih pahniha puanzarte a hloh niin New York Coast Guard chuan an sawi a, hliam tuarte pawh damdaiw ina lak an nih thu an sawi.
New York Police Department-a chief of operations chuan lawnga ‘khawl thil fel lo’ leh power awm lo thut vangin hetiang thil hi thleng ta nia an ngaih thu a sawi.
New York police chuan Brooklyn Bridge hnaia awm – South Street Seaport, Manhattan, leh Dumbo, Brooklyn-a chengte chu lei hnaiha awm rih lo turin an ti.
“Lirthei a tam dawn a, emergency vehicle tam tak a awm thei dawn bawk,” tiin city police department chuan X-ah a puang a ni.
Cuauhtémoc hi hnuh sawn tawh a ni.
He lawng hi feet 297 (91m)-a sei leh feet 40 (12m)-a zau niin Mexican navy chuan an sawi a, tun hi kum 1982 hnua tuipuia a chhuah lehna hmasa ber niin an sawi bawk.
Kum tin naval military school-a inzirte an zir chhuak ta tihah a phur chhuak ve thin thung.
Kuminah hian Mexican lawngchawlhna, Acapulco atangin April 6-ah a chhuak a, Iceland thleng zin tura tih a ni.