Mexico-ah Ferrari driver-te bawk chungchung leh
Pathianni khan Mexico City Grand Prix an tlan a, championship hmahruaitu Red Bull Formula One leader Max Verstappen chuan lawmman semna dawhsan a lawn zo lo leh a, parukna daihah thlengin, Ferrari khalhtu Carlos Sainz Jr. chu pakhatna a ni.
Dutch driver ropui Verstappen hi title race-a a elpui lian ber Lando Norris nena an insutbuai vangin tum hnih hrem a ni a; pahnihnaa thleng McLaren driver Norris hian Verstappen-a tlan dan chu hlauhawm lutuk tiin intlansiak zawhah a sawi nghe nghe.
Briton Norris hian driver standing-ah pahnihna luah chhunzawmin, Red Bull driver la um pha zo lo mah se vawili chiah tlan tur awm tawhah triple world champion nena an inthlauhna hi point 57 atangin 47-ah a pawthniam.
Italian fans lamin intlansiak hnuhnungber ang bawka Ferrari one-two finish an beisei leh laiin an driver pakhat zawk Charles Leclerc chuan Norris a inlehpelhtir ta tlat a, pathumnaah thlengin, Leclerc hian nakkum atanga nuaibo tawh tur fastest lap ken tel bonus point khat a hlawhchhuak tel.
Pathianni hnehna kha kum 1990 hnu lama Mexico rama Ferrari chak leh vawikhatna chiah niin, a career-a Spaniard Sainz-a vawili chakna leh tun season bika a vawihnihna a ni.
Mexico-ah Ferrari driver-te bawk chungchung leh
Get real time updates directly on you device, subscribe now.
Prev Post