April 3, Nilaini khan MFA Cup chu CYLA Ground, Lawngtlaiah khelh tan a ni. Inelna neih tanniah inelna thlengtu Lawngtlai District aiawha inlan MLS FC chuan awlsam takin hnehna an chang a, an khingpui Hmarveng FC, Mamit chu 6-0 ngawtin an sawp. Nilaini hian Saidan GSA leh Venglai FC, Lunglei ten hnehna an chang bawk.
MFA Cup 2023-24 a inkhel hmasa berah inelna thlengtu MLS FC, Lawngtlai an khel tha nghal hle. MLS tan hian Richard Rohmingliana chuan minute 19-naah hmahruaina goal a thun a. Hemi hnu hian a khat mawi tawkin goal an thun chho a ni deuh ber tawh. Hmahruaina goal thuntu Richard-a hian goal khat a thun belh leh a. Savuta, Falton leh Lalthazuala ten goal hnih theuh an thun belh a, si ruk faiin hnehna an chang a. Awlsam takin, point thum an hmu.
Nilainia inkhel thawhhnihnaah Khawzawl Vengthar G&SA leh Model United, Siaha te an inhnehtawk viau a, inkhel hmuhnawm takah Model United in 4-3 in hnehna an chang. Model United tan hian Lalruatchhunga chuan goal hnih a thun a, M. Byhnapathai leh Francis Lalruatsaka ten goal khat ve ve an thun bawk. Khawzawl Vengthar G&SA tan D. Lalsangpuia, Lalremsanga leh Lalrintluanga ten goal khat theuh an thun a, Model United lakah uiawm takin a tlawm.
Nilainia inkhel thawh thumnaah Kolasib District aiawha inlan Saidan GSA leh Serchhip Kawnpui te an inhnehtawk viau a. Inkhel hmuhnawm takah minute 24-naa Vanlalhriatpuia goal thun hmangin Saidan GSA in hnehna an chang.
Inkhel dangah Venglai FC, Lunglei chuan 2-1 in an khingpui Venghlun FC Keifan an hneh. Inkhel hnuhnung berah FC Bethlehem, Aizawl leh Bethel FC, Champhai te chu 2-2 in an inhnehtawk. FC Bethlehem tan A Lalhruaitluanga leh Lalthatpuia ten goal khat ve ve an thun.
MFA Cup tan, MLS chak awlsam
Get real time updates directly on you device, subscribe now.
Prev Post