Khatla TBL chak! Chanmari an vanduai
Khatla TBL chak! Chanmari an vanduai
Mizoram Super League (MSL) 11 khelh mekah nimin tlai dar 5:30 khan Chanmari BC leh Khatla TBL te an inkhel a, Khatla TBL chu 74 – 60 in an chak.
He inkhel hi a tang hle a, Chanmari BC player tha JP Walker chu hun tawp dawnah a foul out a, Rozama a inhliam zui bawk nen team pahnihte inkar a zau phah.
He inkhel pawimawh takah hian champion sawi ri ngam khawpa inthuam chhah tha Chanmari chuan chak an mamawh em em laiin, an tawlh thlu tlat – semi finals an luh beiseina erawh a la nung det det.
Nizan dar 8:30 a inkhel, Zemabawk BC leh Tuikual South result kan hre hman lo va, hei hian league table erawh a khawih che dawn. Team tin te hian an inkhelh hrim hrim hian point 1 an hlawh zel a, an chak hian point 2 an hlawh chhuak thin bawk.
Player of the match Emmanuel-a hian point 10 a nei a, TBL captain |hazualan point 11 a nei nghe nghe bawk.
Zanina inkhel turte:
Chhinga Veng BC Vs Zemabawk BC (5:30 pm)
MSV Hotshots Vs Khatla TBL (8:30 pm)
MSL League Table
(Nimin tlai inkhel result chin)
Pos. Team P W L Pts.
1. Zarkawt BCA 6 5 1 11
2. Khatla TBL 6 5 1 11
3. MSV Hotshots 6 4 2 10
4. Chanmari BC 6 3 3 9
5. Saron BC 6 3 3 9
6. Zemabawk BC 5 2 3 7
7. Chhinga Veng BC 6 1 5 7
8. Tuikual South BC 5 0 5 5