MFA in CM’s Relief Fund pe

Mizoram Football Association (MFA) leh Mizo Professional Footballers’ Association (MPFA) tangkawpin Cyclone Remal Exhibition Match a huaihawt atanga sum a hmuh chhuah atangin vawiin khan Chief Minister’s Relief Fund ah Rs 2,11,100 pek a ni.
MFA President Pu Lalnghinglova Hmar hovin MFA chuan Chief Minister Pu Lalduhoma hnenah cheque in an hlan a ni.
He exhibition match atanga pawisa hmuh te hi cyclone tuartu, chhiattawk chhungkaw 10 bakah YMA branch 6 leh Football Coach Lalsangzuala Hmar te hnenah Rs. 12,36,000 sem chhuah a lo ni tawh bawk.
June ni 21 khan Rajiv Gandhi Stadium, Aizawl ah Exhibition match hi khelh a ni a, I-League leh ISL a Mizo player te an intum bakah, kawng hrang hrang a Mizo thalai hlawhtling leh chhuanawm tak tak All-star team ten football match hmuhnawm tak an khel a ni.