Kuminah Mizoramah dengue a leng a, nunna chan pawh an awm tawh. Health department chhinchhiah danin, kuminah Mizoramah mi 1,735-in dengue an vei tawh.
November ni 12 thleng khan mi 11,317 endik an ni tawh a, chung zingah chuan dengue vei hi mi 1,735 an awm. Vanduaithlak takin nunna chan pakhat a awm.
Dengue hi nikum lamah pawh a leng tawh a, September kha a vanglai a ni. Nikum September-ah khan mi 159-in dengue an vei tih hriatchhuah a ni a, chumi hnuah a zia ta a ni. Amaherawhchu, October-ah dengue vei chhinchhiah thar an awm avangin hemi thlaah hian dengue vei zat a pung thung. Health department lam a\anga thu dawn danin, dengue vei finfiahna atan sorkar laipuiin ELISA khawl hmanga hriatchhuah chauh a pawm a, hei hi Mizoramah sorkar damdawi inah chauh a awm avangin, sorkar damdawi ina hriatchhuah zat chu dengue vei zat tia chhinchhiah a ni \hin. Nikum kum November velah khan Genesis Laboratory te ta ELISA khaw chu pawm fel a ni a, chuvangin anni hnena hriatchhuah hi belh telh a ni ta a, October-a he hri vei zat pawh 565 a tling ta a ni. Nikum September thleng kha chuan sorkar damdawi ina hriatchhuah chauh pawm a ni.
Dengue hi thosi chi khat Aedes-in an thehdarh a, Aedes aegypti chu dengue thehdarhtu ber a ni. Aedes thosi hian chhunah mi an seh ber tih chu mithiamte sawi dan a ni a, he natna thehdarhtu thosi hi Mizoramah a tam.
Mi 1700 chuangin dengue vei tawh
Get real time updates directly on you device, subscribe now.
Prev Post
Next Post