J. Lianzuala
Maubawk, Aizawl
Ph. 9862958600
-- Advertisement --
Mi duh ve em ?
Aw, duh ve e, Ka duh lutuk che a lawm; Mi duh ve a ni tih ka lo hre ngai lo a ni.
Han en thuak pawha mi mit la tura ka hriat, a Heading ka han thlang a. Ka sawi tum nen a lo inzul bawk si a. Mizo tawng chungchanga kan hman dik loh lai han ziahlan ka tum a ni. ‘Mi’ leh ‘Min’ hi zirchian deuh ngaiin ka hria a. ‘Mi’ hi Singular a ni a, ‘Min’ hi Plural a ni. ‘Mi’ hi kan hmang tlem zawk a, ‘Min’ tih hi kan hmang lar ber zawk a ni. Kan Mizo tawng Bible letlingtute hian fimkhur takin, fel takin ‘Mi’ leh ‘Min’ hi an lo thliar hrang thlap mai a, chu chu keinin chik lem lovin kan lo chhiar liam mai mai a, chu chu heng Bible chang tarlan atangte hian tih fiah ka rawn tum dawn a ni.
‘MI’ SINGULAR-A HMANNATE:
Gen 20:13 “Pathianin ka pa in ata ‘mi’ vahvaihtir lai khan,
Ex. 32:32 “I lehkhabua ata kha ‘mi’ thai bo turin ka ngen a che.”
Ex. 33:18 “I ropuina chu khawngaih takin ‘mi’ han entir teh.”
1Lal. 2:5 “Zeruia fapa Joaba ‘mi’ tih zia,”
1Lal. 2:24 “a thu tiam anga ‘mi’ tinghet a,”
1Lal. 2:24 “lalthutthlenga ‘mi’ thuttir a, chhungkua ‘mi’ lo dinsaktu,”
1Lal. 20:25 “Mi han vawteh khai”
1Lal. 20:37 “Mi han vaw teh khai”
1Lal. 21:20 “Mi” rawn hmu ta maw, ka hmelma pa?
Sam 22:1 “Ka Pathian…… engahnge ‘mi’ kalsan?
Sam 22:7 “ Mi hmu apiangin ‘mi’ nuih san a.”
Sam 23:1 “Lalpa chu ‘mi’ vengtu a ni a
Sam 23:2 “ahte ‘mi’ bawhtir thin a
Sam 23:2 “tui kamahte ‘mi’ hruai thin.”
Sam 23:3 “Ka nunna ‘mi’ siam that thin a,
Sam 23:3 “Kawngahte “mi” hruai thin.”
Sam 23:4 “I tiangin ‘mi’ thlamuan thin a ni.”
Sam 23:6 “Chhung zawng hian ‘mi’ zui zel ang a:”
Sam 86:3 “Aw LALPA, ‘mi’ khawngaih ang che,”
Jer. 20:7 “Aw LALPA,nangin ‘mi’ buma,”
Eze2:2 “Ka kein ‘mi’ dintir a: tin,’mi’ betu chu ka ngaithla ta a.”
Mt 2:8 “in hmuh ve leh ‘mi’ rawn hrilh ang che u,”
Mt. 12:30 “Tu pawh ka lama tang lo chu ‘mi’ do a ni.”
Mt. 12:30 “tu pawh ‘mi’ lak khawmpui lo chuan a ti darh a ni.”
Lk 9:23 “Tu pawhin ‘mi’ zui a duh chuan,……….
Lk. 22:19 “mi” hriat reng nan hei hi ti thin rawh u,”
1 Kor 11:24,25 “mi” hriat reng nan hei hi ti thin rawh u,”
Joh 17:12 “Nangin kei ‘mi’ pekteho hi”
Joh 17:18 “Nangin khawvela kei ‘mi’ tir ang khan,”
Joh 17: 20 “an thu avanga kri ‘mi’ la ring turte tan pawh,”
Joh 17:21 “nangin kei ‘mi’ tir tih khawvelin
Joh 17:22 “nangin ropuina ‘mi’ pek kha
“nangin kei ‘mi’ tir tih leh ‘mi’ hmangaih angin….”
Joh 17:24 “nangin ‘mi’ pek ka ropuina kha
Joh 17:25 “nangin kei ‘mi’ tir tih an hriat kha
Joh 17:26 “nangin kei ‘mi’ hmangaihna kha
TT 11:12 “anmahni zui turin ‘mi’ tir a.
TT 11:12 “unau paruk pawh hian ‘mi’ zui ve a,
2 Kor2:2 “tunge ‘mi’ tilawm ta ang le?
‘MIN’ PLURAL-A HMANNATE:
Gen 5:29 ‘Min’ thlamuan tawh ang
Gen 43:18 “ipa tangka ‘min’ pek kirte avang khan a nih hi “min’ hruai luh ni;”
Gen 43:18 “remchang zawnga ‘min’ beiin,”
Ex. 32:23 “pathiante ‘min’ siam sak rawh:
Ex.33:15 “heta ta hi ‘min’ hruai chhuak ma ta che.
Ex. 34:9 “i rochan atan ‘min’ nei ang che,”
I Lal 22:8 “Lalpa ‘min’ rawnsak tur,”
Sam 85:6 “Nangmahah chuan… ‘min’ tiharlt leh dawn lawm ni?
Sam 85:7 “I ngilneihna chu ‘min’ hmuhtir la,
Sam 85:7 “I chhandamna chu ‘min’ pe bawk ang che.”
Lk 22:8 “Kut chaw kan ei turin ‘min’ va buatsaihsak rawh u.
Lk. 23:39 “keini pawh ‘min’ tidam ta che,”
TT 1:21 “heng ‘min’ pawl thinte zingah hian mi pakhat a thawhlehna ‘min’ hriatpuitu.”
TT 1:25 “atu zawk nge i thlan ‘min’ hriattir ang che,”
TT 4:12 “min’ chhandam tur hming dang reng a awm lo.”
TT 4:25 “Thlarau Thianghlimin, ‘min’ thlantu I chhiahhlawh Davida kain”
Rom 4:1 “Abrahama, tisa dana ‘min’ thlahtu chuan”
Rom 5:5 “Thlarau Thianghlim kan hnena ‘min’ pek khan”
1 Kor 4:9 “a hnuhnung berah ‘min’ tar chhuakah ka ngai a ni”
1 Kor. 6:14 “a thiltihtheihnain ‘min’ kaitho ve bawk ang.”
2 Kor 1:14 “thenkhatin ‘min’ awihsak ve tak ang khan,”
2 Kor 1:21 “Kristaa nangmahni nena ‘min’ tinghettu leh keini ‘min’ thihtu chu Pathian a ni.”
2 Kor 1:22 “zakhamna thlarau ‘min’ petu a ni bawk a.”
2 Kor 5:14 “Krista hmangaihna chuan ‘min’ tîr lui ani,”
2 Kor 5:18 “amah nen inremin ‘min’ siama,”
Eph.1:8 “fing tak leh remhre takin ‘min’ vur ani,”
Phi. 3:17 “entawn tur keini ‘min’ nei a,”
1Thes. 5:9 “Chhandamna hmu turin ‘min’ ruat ani si a;”
2 Tim. 2:12 “Ani pawhin ‘min’ phatsan ang,”
Heb 12:9 “Chu lo pawh chu ‘min’ thunun turin kan tisa pate kan neih kha.”
1 Joh. 4:10 “amahin ‘min’ hmangaih a, kan sualte thupha chawina”
1 Joh 4:13 “he miah hian kan hris, a thlarau ‘min’ pek tawh avangin.”
Heng lo pawh hi tarlan tur tam tak a la awm ang, mahse, tun tum atan chuan duh tawh rih ila. Bible a mi hi zaah za a dik vek ang ka ti lo. ‘Mi’ leh ‘Min’ hman pawlhna lai a awm ve nual ang. Kei ngei pawhin ka hmu nual mai. Mahse, heng ka han tarlan atang hian bih chiang ila, zir chiang ila chuan kan hlâwkpui ngeiin ka ring. Entir nan, kan chik lohzia a lan chian êm êm-na chu: Kohhranah, Bialah, Presbytery-ah Synod Inkhawmpuiahte meuh pawh Lalpa zanriah Sacrament thehtuten Lal Isua thu sawi, “Mi hriat reng nan, tih hi Min hriat reng nan an ti deuh vek mai zuk nia. Uluk takin ka lo ngaithlain ka lo chik thin a, Mi tia hmang chu Pastor pakhat chiah ka la hria.
Eng pâwl a mi pawh, eng Kohhran a mi pawh, Pastor leh Minister-te Lalpa Zanriah Sacrament thehtute hnêna ka request duh chu: “Mi hriat reng nan,” ti thin tawh sela a lawmawm ngawt ang. A dik zawk bawk a. Lal Isuan “Min hriat reng nan” a ti lo. Thil harsa lo tak, kan chik (care) loh vanga hmang sual palh mai mai kan niin ka hria.
He thil hi mi sawi pawh ka la hre ngai lo va, mi ziah pawh ka la hmu lo. Mahse, Kan Bible berin tawng dik hmang turin Min duh tlat niin a lang. Ziak mite, thu puang thinte, Radio leh TV a thupuang thin ten zawm tlång thei se a va lawmawm dawn em! Chu ai maha la pawimawh zawk chu, Thupuan tur, chhiar chhuah túra lo ziaktu khan lo ziak dik thlap se, a chhiarchhuaktu chuan a chhiar dik mai dawn a ni. Ni tin Chanchin bu ziaktute tan hlei hlei a tulin a tangkai dawn a ni. Annin an ziah dik chuan, mipui chuan kan zawm ve nghal mai dawn a ni.
|hahnem ngaih vangin han duham leh hlek ila: Kan Mizoram University-a Mizo Language Dept. a thawk mek, kan mithiam rualte leh Mizo Language Development Board-te beng thleng pha se ka va ti em!
Rawtna: Hawh u, Naktuk atang ni lovin, vawiin atangin i hmang nghal mai ang u. Mi leh Min thliar hrana hman hran mai kha a ni e. A harsa lo ve. Tu man sawi hnawk lovin, pawm tlang ila, zawm tlang mai ila, Bible-in a ti miau a lawm, kan ti mai dawn nia. Bung thar, Lesson thar tehchiam pakai lovin, Zo tawng hman diknaah penkhat penin hma kan sawn mai dawn zunia.
Ziak mi, han tih hian, Lehkhabu ziak thinte tan hlei hlei dik si, tha si mawi bawk si, hmasawnna rahbi pawimawh tak niin a rinawm.
Ka sawi tum loh lam ka’n hawi tel talh teh ang: Mi sawi apiang an awih ngai lo. Fimkhur rawh; Min an sawi che a nia.