Mi pathumin lirthei pakhat in\awm zel ang

Mizoramah lirthei a tam a, a pung zel bawk. Tuna lirthei awm zat hi mihring awm zat atanga chhutin, mi pathumin lirthei pakhat an intawm zel ang a ni.
Amaherawhchu, Mizorama mihring awm zat hi, a tharlam ber pawh 2011 chhiarpui-a mi kha a ni lo thei lo a, chhiarpui neih leh hun tur 2021-ah chhiarpui a awm loh avangin, tuna mihring awm zat aia tlem fea chhut a ngai. Tuna mihring awm zat atang chuan, lirthei intawmtu hi pathum aiin a tam ang tih a chiang.
Transport department-in an chhinchhiah danin, August ni 20 thlenga lirthei awm zat chu 4,15,655 a ni a, 2011 chhiarpuia mihring awm zat (1,091,014) atanga chhutin, mi pathum zelin lirthei pakhat an intawm ang a ni.
Nikum khan lirthei ziahluh thar 30,019 a awm a, 2023-ah 28,718 a awm. Kuminah lirthei ziahluh thar 18,542 a awm tawh.
Lirthei chhiah leh thil dang atanga sum hmuh tawh zawng zawng chu Rs 4,53,74,36,767 a ni a, kumin bikah August ni 20 thlengin Rs 28,46,79,821 hmuh a ni tawh.
India ram puma lirthei ziahluh tawh zawng zawng chu 40,10,87,401 a ni a, kuminah August ni 20 thlengin 1,60,45,906 ziahluh a ni tawh.
Lirthei thar zat
Kum Lirthei
2021 25,180
2022 27,044
2023 28,718
2024 30,019