Miami Open champion
-- Advertisement --
Medvedev
Straight sets hmanga Jannik Sinner hnehin world number one hlui Daniil Medvedev chuan a career-a a vawi-khatna atan Miami Open title a la a, kumina a title sualchhuah palina a ni tawh.
Russian fourth seed chetha tluang mek hian set hmasaberah a tumpui hi tum hnih a break a, 7-5 6-3 hnehna chang zuiin, a career-a Mas-ters 1,000 title panga a lakna a ni tawh.
Kumin hian Dubai, Doha leh Rotterdam lamah a champion tawh a, tunah Miami champion a ni leh a; thla hmasa mai khan Indian Wells lamah runner up ni tawh bawk-in, Pathiannia title a lak leh hnuah kum 27 mi chuan a hlim em em thu sawi chungin Italian Sinner a hnehna match kha inkhel hautak a nih thu a tarlang tel.
World number 11 Sinner hian semi-final lamah top seed Carlos Alcaraz hnehin, world number five Medvedev lakah pawh inrintawkna sang tak nen bul a tan niin a lang a, mahse, Russian Medvedev a ngam ta ngang lo a ni.
Semi-final lehlama a chipui Russian Karen Khachanov a hneh hnuin Medvedev kha kum 1981-a chetha Ivan Lendl hnu lama a zawna ATP final vawinga lut thei a ni.
Kum 21 mi Sinner nena vawiruk an intawn takah ‘hardcourt spe-cialist’ Medvedev hi a la tlawm lo tluang zel a, kumin February thla khan Italian lakah hian Ro-tterdam final-ah a lo chak tawh bawk.
South Florida Hard Rock Stadium final-a a chak leh nen Russian Medvedev hian a career-ah title 19 a la tling ta chiah a ni.
Italian Sinner hian kum 2021 mai khan Miami final hi lo khel tawh mah se tun thlengin Masters 1000 title a la hlawhchhuak zo lo.
Miami Open 2023 hmeichhe singles final-ah Inrinni khan Petra Kvitova chuan straight sets bawkin Elena Ry-bakina a hneh a, player la chawl lo zingah tum 49 champion tling tawh Venus Williams tih lohah chuan vawi 30 champion tawh Kvitova hi WTA singles title la hnem ber a ni.
Heti zat hi title sual-chhuak tawh mah se kum 33 mi Kvitova tan tun hi Miami Open title a lak vawikhatna niin, Wim-bledon champion Ry-bakina lakah 7-6 (16-14) 6-2 hnehna a chang a, thla hmasa maia Indian Wells title la tawh Ryba-kina hian Sunshine Dou-ble a ni zo ta lo a ni.