Midangte ngaithlaa, chapona dah tha turin ti

Chief Justice of India D.Y. Chandrachud chuan khua leh tui te chu midangte ngaithla tura ngenin leh an chaponate dah tha turin a ngen.
Symbiosis International (Deemed) University, Pune tena 20th convocation ceremony an neihnaah CJI chuan thusawina a nei a.
“Midang te ngaihtlak theihna hi nun kawng engkimah a pawimawh vek a ni. Midangte hun pek hi a pawimawh a. Kan society a harsatna kan tawh chu kan inngaithla tawn lo. Keimahni chauh kan inngaithla,” tiin a sawi.
Midangte ngaihthlak duhna chuan mimalin harsatna a tawhah chhanna nei vek lo mahse hriatfiaha zawn hmuh theih turin a inhawng tihna a ni, tiin CJI chuan a sawi bawk a. Chumai bakah ‘chapona bawm tihkeh theihna a ni bawk’ tia sawiin ‘chu chuan kan chhehvel khawvel hriatfiah theihna min pe’ tiin a sawi bawk.
“Nun hian min zirtir dan kawng a nei a. Inngaihtlawmna, huaisenna leh integrity te chu kan zinkawnga kan kalpui ni reng se,” tiin a sawi bawk.
CJI Chandrachud chuan a nawlpui ngaihdan ang lo takin chakna hi thinrim emaw tharumthawhna emaw midangte leh an mimal nun zahlohna a ni lo.
“Finna tak tak leh mipuite chakna tak tak zawk chu nuna harsatna an hmachhawn danah te leh an chehhvela midangte nena inngaitlawmna nena an hmachhawn theihnaah a ni zawk,” tiin a sawi bawk.
Mi tam tak te chuan nun nuam an duhin an tum a, chu chu a dik lohna a awm lo. Mahse, kan kal kawngah hlutna nei a ni tur a ni a, kan principles leh values te kan thlauhthla tur a ni lo, a ti bawk.
“Hlawhtlinna hi larna ringawta teh lovin tha zawk duhnaa inpekna a ni zawk tur a ni. Mite hi anmahni theuh lakah pawh ngilnei rawh se,” a ti bawk a.
CJI chuan an generation chu an la naupan laiin zawhna tam tak zawt lo tura tih thin an nih thu a sawi a. Tunah erawh thil a danglam tawh a, thalaite hian zawhna zawh hi an hreh tawh lo va, an dil chhut tawh a ni, a ti bawk a.
Tun hnai lawkah pawh hmeichhe tleirawl te mai Instagram reel a hmuh thu sawiin chutah chuan an chenna panna kawngpui chhe lutuk a lungawilohna a lantir a ni a ti bawk.
“Ka reel ka hmuh khan kum 1848-a Pune-a hmeichhe school hmasa ber din a nih min ti hrechhuak a ni. Chu school din a nih theih nana mi pawimawh em em chu Savitribai Phule niin mipate chauh inlulinnaah zirna a kalpui lui tlat a ni. Savitribai Phule-in school a kal khan saree hak tur dang a keng thin, a chhan chu an khuaa mite khan bawlhhlawhin an vawm thin a ni,” tiin CJI Chandrachud chuan a sawi bawk.
Mi tute mahin an rilru te an khar tur a ni lo va, midangte ngaithla turin an inhawng tur a ni a, a dik emaw dik lo emaw inngaitlawm taka pawm an thiam tur a ni, tiin a sawi bawk a.
“Judge te hian litigants te anchhia atangin an zir hnem ber a, doctor pawhin bedside manner atangin an zir hnem ber a, nu leh pa te pawhin an fate lungawilohna atangin an zir hnem ber a, zirtirtu pawhin zirlaite zawhna atangin an zir hnem ber bawk a, nangni zirlai te pawhin mipui tena zawhna an neih atangin in puitlinna kawngah in zir hnem ber ang,” tiin a sawi bawk.