MIFCO-in sapthei sawr \an Lakhuihtheih sawr tel tum

MIFCO-in sapthei sawr tan
Lakhuihtheih sawr tel tum
Mizoram Food & Allied Induatries Corporation Limited (MIFCO) hnuaia Chhingchhip daia Fruit Juice Concentrate Plant chu hun engemawchen a chawlh hnu ah sapthei tui an sawr leh tan a, lakuihtheih pawh sawr theih thuai an tum.
Fruit Juice Concentrate Plant hi Ningani khan MIFCO chairman Lalthazuala Rawite chuan a tlawh a. Sum awm se, an khawl zawng zawng chu tangkai taka hman theih tur an ni a, tunah erawh bul tan thar leh chauh an nih avangin hmabak a tam hle tih a sawi.
Sapthei tui an sawr mek chu a enchhin nan Chawngtlai atangin kg ah Rs.30 in sapthei an lei a, lakhuihthei pawh sawr an tum tih a sawi. “He hmunah hian sawr theih chi thei chi hrang hrang sawngbawl theih beisei a ni a. Baibing leh rawtuai a tin-a siam theih a ni a, hma kan la zel dawn. Ei leh bara kan intodelhna tur leh kan ram dinchhuahna tur chuan kan thlai chi hrang hrang awmze neia kan sawngbawl a ngai a, kum tam tak MIFCO hi kalpui ni tawhin, la hlawhtling hlei thei rih lo mah se, ZPM policy a nih avangin keini chuan hlawhtlinpui kan tum dawn a ni,” a ti.
Chhingchhip daia Mizoram Food Park hi 1993 January 26-a din a ni a, thei chi hrang hrang sawngbawlna turin khawl leh mamawh tam tak lei ni tawh mah se, hman loha dah tawl tam tak a awm. Tunah thawktu 6 an awm a, MIFCO hnuaiah thawktu 24 an awm