MIGOSTU-in thu lawmawm dawng lo

MIGOSTU-in thu lawmawm dawng lo
Sawrkara thil phut neia ni 5 chhung an hnathawhna hmuna badge dum bel sawrkar school zirtirtute chuan thu lawmawm dawn an neih loh avangin vawiin – April 28 hian an kal zel dan tur rel an tum.
Mizoram Government School Teacher’s Union (MIGOTSU) hian sawrkar an thil phut tih hlawhtlin loha a awm rei tawh avangin April 21-25 chhung khan an hnathawhna hmunah badge dum an bel a, hemi chhung leh a hnu lamah pawh sawrkar atangin thu lawmawm dawn an nei lo tih thu dawn a ni.
Hei vang hian vawiin – Thawhtanni hian an kal zel dan tur an rel dawn a. An pawl member-ten lo ngaichang turin an inchah. Thil phut neia dadge dum an bel chhunga an inlungrualnaah lawmthu an inhrilh tih an sawi.
Sawrkar enkawl middle school atanga higher secondary school zirtirtute telna MIGOTSU hian provincialisation revoke-na order sut, provincialise-a upgradation enrollment criteria atana urban leh rural inang renga siam tha an ti loh thu leh, middle school leh high school-a headmaster, kum 20/30 zet rules mumal tak hnuaia enkawl tawh, teacher-a an tlakhniam (stepdown) na tur dan cancel chu an thil phut a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More