Milan chak zo lo

Tun January ni 20 Serie A inkhel pakhata mualneitu Udinese an hneh tumin home su-pporter thenkhatin AC Milan mihang goalkeeper Mike Maignan chu a a vunrawng avanga hmu-sitna leh diriamna an lantir a, kha thil avang khan Udinese lam chuan na takin a mawhphurtu thenkhat an hrem a; Inrinni zana Milan-in Bo-logna an mikhual tumin an goal-veng thlawpna an lantir a, San Siro tihthim thup hnuaiah fans lamin an phone an chhi eng a, stadium screen-ah Martin Luther King-a thusawi mawi tak an tarchhuak bawk a; an kepeer thla-vang hauh kawngah hlawhtling viau mah se an kawtkaiah hnehna an sualchhuak zo lo!
Bolona lakah hian si phur hmasa zet mah se mualeitu team hian chawlhlawk dawnah an siphurh an sut a; second half tawp dawnah Milan lamin hmahruailetna goal khung bawk mah se hun pekbelhah Bologna lamin penalty atangin an si-phurh an sut a, team pahnih hi goal hnih ve ve thunin an inhnehtawk a; khelh 22-a point 46 hum chungin San Siro club pakhat zawk hian pa-thumna an luah chhun-zawm a, an chung chiaha awm Inter Milan chuan he thu buatsaih lai thleng hian game hnihin an khel tlem a; hmahruaitu Juven-tus pawh Inrinni zan in-khel danga an chak zawh bik loh avangin nizan inkhel result tarlan hman loh pakhata an mikhual Fiorentina an hneh chuan Inter hian match khata la khel tlem zawk fo chungin Juve an lehpel thei dawn.
San Siro-a AC Milan keeper Mike Peterson Maignan-a thlavang hauhna lamah khan kirleh lawk ila, France goal-veng khan Serie A club-ah jersey number 16 hain, Inrinni inkhel minute 16na chiahah referee-in game a titawp a, tarlan tak angin, San Siro mipuiin a han avanga chhaih-nawmnah tawk goal-keeper thlavang hauhna leh thlawpna lantirin stadium thim mup hnuaiah an phone ken theuh an chhi-eng a; stadium screen-ah chuan mihangte zalenna sualtu ropui Martin Luther King-a thusawi ngaihsan hlawh kumkhua: “Thim-na hian thimna a chhemkiang zo lo. A vaikiang theitu awm-chhun chu eng (light) chiah hi a ni,” tih chu a rawn inziak kulh a; vunrawng thim leh mit tlangkawm nei lo, mit zimte’n hmusit leh thliarhran an hlawh fona football khawvela chu thimna ti-eng tur chuan thimna (racist abuse) bawkin awmzia a neih loh thu an pholanna a nih hmel.
AC Milan chief exe-cutive Giorgio Furlani chuan football-a in-huatna leh inthliarna (hate, racism & dis-crimination) awm thin an duh lohzia lantirna hun thlawptu Italian Football Federation, Lega Serie A leh an mikhual Bo-logna laka lawmthu sawi chungin an club chuan he chin tha lo lakah hian englai pawhin ‘zero tolerance’ an puang tih a sawi.
Stefano Pioli team Milan goal hnih kha Ruben Loftus-Cheek tihluh ve ve niin, Bo-logna tan Joshua Zirkee leh Riccardo Orsolini-te’n goal khat ve ve an thawh ve bawk.
Inrinni zan Italian top flight inkhel dang pa-khatah hmahruaitu Ju-venus chuan an kawt-kaiah point hnih hloh thenin, mikhual Empoli nen sikhat ve ve thunin an inhnehtawk ringawt!
Atalanta chuan sihnih faiin an mikhual Udinese an hneh thung.