Miley Cyrus hla hit ‘Flowers’ chu Billboard Global 200 chart-ah a No.1 a, he chart a a zawn ni kher lo va kar 12 a No.1-na a ni ta. Hetihrual Drake pawh No.2-ah a debut a, Peso Pluma pawhin top five-ah hla pahnih a nei e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hian kar khat chhungin ram hrang hrang 200 chuangah stream maktaduai 75.5 leh download sales 18,000 a la nei thei a, hei hi chart-ah a No.1 pui leh ta a ni. Heti hian The Kid LAROI leh Justin Bieber te hla ‘Stay’ lehpelin, he chart-a hla No.1 nih rei theihah pathumna a ni a, Harry Styles ‘As It Was’ (kar 15) leh Mariah Carey ‘All I Want for Christmas Is You’ (kar 13) te chiah a pha lo.
Drake hla thar ‘Search & Rescue’ chu stream maktaduai 52.2 leh download sales 4,000 tlingin chart No.2-ah a debut a, Drake hian he chart top 10 kai thei hla 28 a nei tling ta a ni. Drake hi he chart top 10 kai thei hla neih tamah hian a sang fal hle a, amah hnaih bertu Taylor Swift chuan 14 a nei chauh a ni.
Peso Pluma leh Eslabon Armado ‘Ella Baila Sola’ chu stream maktaduai 74.5 tlingin. No.9 atangin No.3 a kai thar a, Peso Pluma leh Yng Lvcas ‘La Bebe’ chu stream maktaduai 71.5 tlingin, No.7 atangin No.4 a kai thar ve leh ta bawk.
Billboard Global 200 Top 10:
1 Flowers – Miley Cyrus
2 Search & Rescue – Drake
3 Ella Baila Sola – Eslabon Armado X Peso Pluma
4 La Bebe – Yng Lvcas x Peso Pluma
5 Die For You – The Weeknd & Ariana Grande
6 Calm Down – Rema & Selena Gomez
7 Kill Bill – SZA
8 Last Night – Morgan Wallen
9 TQG – Karol G x Shakira
10 Like Crazy – Jimin
Miley Cyrus ‘Flowers’ a chuai thei lo
Get real time updates directly on you device, subscribe now.
Prev Post
Next Post