Mimalin Synod kutah ram a hlan

Mimalin Synod kutah ram a hlan
Vanlalngaia, Kulikawn ami chuan Hlimen Chuhvela a ram bigha 7.5 a zau chu Mizoram Synod kutah a hlan.
Synod kuta hlan a duh chhan sawiin Vanlalngaia chuan, “Pathian hnenah ka kum min pawhsei sak hi tangkai takin min hman tir rawh, tiin ka phut ve thin a; chu’ng zingah chuan kan thalai a sing tel tehmeuh setanan an taksa leh an thlarau tihlum a, hremhmuna a hruailut tur hi chhanchhuahna beihpui thlak a ngai tak takin ka hria a, kohhran hian hma la se tih hi ka lo rilruk ve thin a ni,” a ti.
Ram inhlanna lehkhaah hian ram neitu Vanlalngaia leh Synod senior executive secretary Rev VL Luaia Hranleh ten hming an ziak a, hriatpuitu atan Synod executive secretary Rev Dr Rosiamliana Tochhawng leh Upa K Zoremthanga, Kulikawn ten hming an ziak bawk. Vanlalngaia chuan thlarau bo pahnih khat tal chhanchhuaha an lo awm theihnan tiin senior executive secretary Rev VL Luaia Hranleh hnenah a hlan a ni.