Min hmangaih maw? A nih leh i password!

Tunlaiah chuan \hangthar ten inhmangaihna chungchangah infiahna thar an nei tawh a- password in\awm. I password eng pawh i \awmpui chuan harsatna a awm thei, i \awmpui phal loh leh chuti hlauh bawk! Buaithlak tak a ni.
Internet hmang \hang deuh chuan online password eng emaw tak chu kan nei \heuh tawh a, tleirawl zingah internet hmang \hang 30% velin an password te tu emaw tak an hrilh deuh \heuh niin an sawi. Zirchianna neitu te chuan mipa aiin hmeichhia ten a let hnih velin an password an ngaihzawng/kawppui te hrilh an awlsam zawk niin an sawi tlat! Mak i ti viau maithei, mahse, tleirawl te zingah password inhrilh tawn hi inrintawnna entirna niin an ngai deuh tlat a ni.
Hmeichhia te chu an \hian\hate nen chuan engmah zep lovin an inhrilh tlang mai a, an password thlengin. Mahse, BFF mai bakah ngaihzawng te nen pawha password inhriat tawn sak hi an duh deuh tlat tawh.
Zirchianna an neihah chuan mipa aiin hmeichhia ten an ngaihzawng password hriat sak an tum duh zawk, hei hi an rinawm leh rinawm loh, midang lakah an lo che meh deuh em tih te check theih nan an ti deuh ber niin an sawi.
Mahse, password in hrilh hi in\hen leh palh chuan a pawi leh fu si. I password midangin an hriat tawh chuan nangma tih ang takin thil pawi an lo ti thei tlat a, i nun tichhe vek duh khawpa rilru chhia i tawn palh phei chuan pawi tak a ni ang.