Delhi transport minister a nihna atanga bang hlim Kailash Gahlot chuan Arvind Kejriwal kaihhruai Aam Aadmi Party (AAP) a chhuahsan atanga ni khat hnu thawhtanni khan BJP a zawm.
Gahlot hian pathianni khan party a chhuahsan thu hi sawiin, AAP a mi langsar tak a lo ni bawk nen, a lehkhaah chuan an party buaina leh an thutiam tihhlawhtlin loh hrang hrangte a ziak a ni.
BJP a zawmnaah thusawiin Gahlot chuan tuteemaw sawmna leh nawrna avanga BJP chu zawm a nih loh thu sawiin, ama duhthlanna ngeia kal a nih thu a sawi a, AAP atanga a banna pawh ama duhthlanna liau liau a nih thu a sawi.
Gahlot-a BJP a lawmluh a nihna hmunah hian union minister Manohar Lal Khattar leh Harsh Malhotra, Delhi unit president Virendra Sachdeva leh national media head Anil Baluni te bakah an party hotu lawk dang tam tak an tel a ni.
Lawmluhnaa BJP aiawha thusawitu Khattar chuan Gahlot-a’n an party a zawm leh, ram khawpuia dinhmun pawimawh tak kalsan ngam an lalut thei chu politics-a ‘turning point’ dik tak a nih thu a sawi.
Minister bang ta Gahlot-a’n BJP party a zawm
Get real time updates directly on you device, subscribe now.