Minister hoin H&FW hotute thu

Health & Family Welfare minister Lalrinpuii chuan Thawhlehni khan Health & Family Welfare department hnuaia directorate hrang hranga hotute a thutkhawm pui.
Minister chuan hriselna kawngah Mizoramin hma a sawn theih nan theihtawp chhuah a tum tih sawiin, hmachhawp tihlawhtling turin department thawktute thahnemngai taka thawhpuiah a sawm. Thawktu zawng zawng chu inthlahdah lo tur leh taima taka thawk turin a chah a. Kum 5 chhunga Mizoram health care system tidanglam dawrh thei tura thawhpuiah official-te chu a sawm a ni.
Health & Family Welfare department hnuaia hmalakna leh hmachhawp sawifiah a ni a. Principal secretary Dr Vanlalsawma, Health & Medical Education director Dr Lalmalsawmi Sailo, joint director (Nursing) Lalchhanhimi, AYUSH deputy director Dr Mara Thansiami, Health Services director Dr Lalremmawii, NHM mission director Dr Eric Zomawia, ZMC director Dr John Zohmingthanga, MSHCS CEO Dr Biakthansangi, MSCI director Dr Jeremy L Pautu, MSACS project director Dr Lalthlengliani leh Food & Drugs joint director Lalsawma Pachuau ten powerpoint presentation hmangin an hmalakna an sawi a ni.