Minister hoin Horti hotute thu

Horticulture minister thar Prof Lalnilawma hoin Thawhlehni chawhnu khan Horticulture directorate-a thawk officer-te leh Horticulture commissioner & secretary Garima Gupta hoin thutkhawm a ni.
Horticulture director CH Lalmuanpuia’n inhmelhriattirna a neih hnu ah an department hnuaia hmalakna hrang hrang leh hmachhawpte sectional officer-ten powerpoint presentation hmangin an hrilhfiah a ni.
Minister chuan Horticulture chu a tuina tak a ni, tiin, development department ngaihpawimawh an ni dawn a, thawktute mamawh ang phuhru turin hma lak an tum anga, an tum ber tur chu kuthnathawktute ngaihpawimawha chawikan a ni, tiin a sawi.
“Kuthnathawktute tharchhuah hralhna turin processing leh marketing ngaipawimawh a, kawng dap zel a ni anga; farmer-ten a hlawkna an telin kan hlim a ni mai,” a ti. Department thawktu zawng zawng nen inpawh tlang tak leh tha tho taka thawk turin a sawm a ni.