Minister-in centre hotute kawm

Minister-in centre hotute kawm
New Delhi-a cham mek School Education minister Dr Vanlalthlana chuan Thawhlehni khan sawrkar laipuia Minority Affairs leh Parliamentary Affairs minister Kiren Rijiju bakah, Development of North Eastern Region (DoNER) leh Education minister of state Dr Sukanta Majumdar hmuin, Mizoram hmasawnna atana pawimawh leh tul a sawipui.
Mizoram minister hian India hmarchhak atanga Union minister dinhmun chelhtu Kiren Rijiju a kawmnaah Mizoram hmasawn ngaihna lai sawipuiin, sawrkar laipui nen thawhhona tha tak neih a nih theihnan a chan – Ministry of Minority Affairs pawimawhna a sawipui. Mizoramin tanpui a ngaihna zawnah theihtawp chhuahpui thin turin a ngen bawk.
DoNER leh Education MoS a hmuhnaah Dr Vanlalthlana chuan, Mizoram Legislative Assembly thutkhawm hnuhnung berin Mizoram State University Bill a pawm thu a hrilh a. State University din hunah sawrkar laipui puihna leh kaihhruaina an mamawh dawn tih a thlen. Mizoram zirna in sang zawkte tihhmasawnnana pawimawh hrang hrang sawipuiin, sawrkar laipui puih ngaihna a sawi bawk.
Hei bakah hian Medhavi Skills University Gurgaon a tlawh a. Education leh IT sector kaihhnawih company /corporate 8 chu a thlenna Mizoram House-ah a kawm bawk.