Minister-in Champhai tlawh
Zan khat riaka Champhaia kal Sports & Youth Services minister Lalnghinglova Hmar chuan Inrinni khan Vanlallawma Indoor Stadium (VANIS) leh Keilungliah tuikhuah a tlawh a. A department chan Excise & Narcotics Department thawktute nen an inkawm bawk.
Vanlallawma Indoor Stadium-a tlawhnaah hian minister hi District Sports & Youth office-a thawkte leh Champhai District Basketball Association hruaituten an lo dawngsawng a. Champhai khawpuiin Mizoram Super League (MSL) a thlen tuma basketball backboard chhia chu a ranglama thlak sak tum a ni tih a sawi.
Keilungliah tuikhuah a tlawhnaah khualzinte hip theihna tura hmun tha leh khawtualmite tan pawha eizawnna tling siam thei nia hriat thu a sawi a. He hmun chei tura hmalakna pawh thui tak kalpui tawhin, hna tan theih hun hla lutuk tawh lo turah a beisei tih a sawi a ni.
Excise & Narcotics minister Lalnghinglova Hmar hian Champhaia Excise hotute – assistant commissioner C Thangchuanga hoa amah lo dawngsawngtute kawmin, an mamawh leh hmalak dan tur an sawi a ni.
Minister-in Champhai tlawh
Get real time updates directly on you device, subscribe now.