Minister-in loneitute inel tir rawt

Horticulture minister Prof. Lalnilawma chuan district hrang hranga loneitute tan inelna siam a rawt.
Zirtawpni khan Horticulture minister hian department officer-ten an hnathawh an thlirlet a. Aizawl leh district hrang hrang atangin Horticulture officer-te an tel.
Sawrkar policy tihlawhtling turin Horticulture department chu a pawimawh berte zing ami a ni tih Prof. Lalnilawma hian a sawi a. Department dangte nena convergence-a tangtlanga hmalak a tha, tiin, district hrang hrangte inelna thianghlim neia small farmer-te dinhmun chawikannaah inelna nei turin rawtna a siam a ni
Thutkhawmah hian an department hnuaia hnathawh tawh thlirletin hmachhawpte hlawhtling leh chak zawka bawhzui dan tur sawiho a ni. DHO-ten an district chhunga hmalakna hrang hrang powerpoint presentation hmangin an report a, tha leh chhawrhnaawm zawka thawh a nih theih dan tur sawiho nghal zel a ni.