Minister-in sawrkar school tlawh

School Education minister Dr Vanlalthlana chuan Nilaini chawhma khan sawrkar school hrang hrang – Govt Durtlang High School, Govt Tinzagina High School, Govt Thuampui Primary School leh Govt Ramhlun Vengthar Primary School te a tlawh.
A hmuna kalchilha school dinhmun tak tak enfiah thin a pawimawh tih minister hian a sawi a. Zirlai leh zirtirtu neih dan, school building leh bungrua bakah school inrelbawl dan a enfiah a, school enkawltu leh zirtirtute nen an inkawm a ni.
“A theih chin chinah sawrkar school hrang hrang bakah mimal enkawl school-te chu a hmuna tlawh thin ka tum a. School that nan chuan a hmunah tlawh chhuah taimak a ngai a, chumi kalpui tur chuan official-te pawh sawkarin a beisei a ni,” a ti.
Veng leh khawtina school-te chu khawtlangin neitu nihna kan neih thiam a tul tih Dr Vanlalthlana hian sawiin, sawrkar laipui ruahman – Vidyanjali Scheme, ‘Sikul Kaichhan’ tia Mizoram sawrkarin a her rem chu mipuiin kan hmelhriat zel a pawimawh tih a sawi. Hei hi khawtlangin neitu nihna an intawm tlanna, ‘communitization’ nen inremin mipui hnena thuneihna leh mawhphurhna sem (decentralization) chu a pawimawh tih a sawi a ni.
Minisiter hi School Education director Lalsangliana’n a tawiawm a ni.