Minister thlavang hauh …

Power & Electricity department officer leh staff te chuan nimin khan anmahni enkawltu minister F.Rodingliana thlavang hauhna an tichhuak a, hei hi DI&PR official website-ah dah a ni.
Kan hriat \heuh angin P&E minister zin hi October ni 12, October 14 leh October 17 te khan Assam Rifles-te chuan minister a nihna engkim hrechiang em em chung siin hun rei tak kawnglakah an lo tiding \hin a. |um khat mai pawh ni lo, \um thum ngawt an lo tiding; an tum ngar ngar hle.
He thil thleng chungchangah hian P&E minister thlavang hauhna leh minister chunga Assam Rifles mi leh sate chet dan dik lo tak demna chu sawrkar, political party hrang hrang leh zirlai pawlte pawhin an auchhuahpui nghal a. New Delhi-a cham mek chief minister pawhin hemi chungchang hi Ministry of Home Affairs-ah thlen nghal a tum bawk a.
Minister chunga Assam Rifles te chet dan hi, a nihna takah chuan Mizoram mipui thamlohna leh zahlohna lian tak a nih avangin a thinrimthlak a; chumi piah lamah, democracy kalphung bawhchhiatna lian tak a ni nghal bawk.
Assam Rifles te hi Sentinels of the North East tih emaw Friends of the Hill People tih emawa koh \hin an ni a. An hna pui ber chu an awmna state ramri venhim te, state mipuite himna tura thawh mai bakah, khuarel chhiatna hrang hrang thleng \hinah sawrkar leh mipuite thawhpui chu an hna (role) a ni.
Tuna an chet dan en hi chuan, “Enemy of the Hill People” an ni ta mai emaw tihtur a ni zo ta a. State sawrkar inrelbawlna hnuaiah an duhna hmun hmunah check gate te siam vein, ramri hrul pawh ni lo, ram lailum lamah check gate an siam thluah maite hi, state thuneitute berawn chunga an tih a ni em? tih zawhna a awm nghal a ni.
Hei bakah hian, national flag intarna, minister chuanna lirthei heti taka zahpah lo taka an lo tibuai \hin hi, Mizoram state mai ni lo, India ram zahawmna tihbawrhbanna lian tak a ni nghal bawk.
|awngkamin, thinrim awrawl nen, minister thlavang kan hauh sap sap a, a \ha e. Hetiang hun hi, \awngkam mai ni lo, thiltih nena lungawilohna (kawngzawh etc.) lantirna hun, \anrualna tihlanna hun remchang a ni mai lo em ni, a tih theih awm asin.