Minute 1-a coconut chum keh tam thei ber

Minute 1-a coconut chum keh tam thei ber
Coconut hi kut lawnga a chum a chûm keh tur chuan mi nazawng tana tih chi a ni ve lo ang, pum khat pawh chum keh thei lo tur kan ni deuh fur ang. Mahse, Kerala a cheng Abheesh P. Dominic chuan minute khatah coconut pum 122 a kut pakhat chauh hmangin a chum keh hman a, Guinness World Record a siam.
Abheesh hian dawhkanah coconut pum hi a dah tlar thap a, a lum sawn mai loh nan a kam vek bawk a, tichuan a kut lawngin a hmatiamin a chum keh phei ka miah miah mai a ni. Abheesh hian a kut lawng chiah a hmang a, a kut hi tuam pawh a tuam lo.
A hmaa hetiang record chu German Muhamed Kahrimanovic-a’n 2011 a siam niin, minute khata coconut pum 118 a chum keh thei a, he record hi khum a har bawk a ni ang kum 14 lai chu khumtu awm loin a record a lo ni tawh a, Abheesh hian a rawn khum ta a ni. Abheesh hian second khatah coconut pum hnih chum keh hman char char ang a ni.
Abheesh chuan record a siam hnuah, “Record siam ka tumna chhan pakhat chu, thingtlang khaw kilkhawr taka awm kan ni a, keini ang duang tan chuan Guinness World Records te chu suangtuahna ram ang chauh a ni. Mahse, tum ruhna chuan engkim a thlen thei tih ringtu ka ni a, chu chu a takin ka entir ta a ni,” a ti.