Minute 1-a pull-up ti hnem thei record siam
Pull-up chu kan rawn tarlang zauh zauh tawh a, exercise lak dan hahthlak zet mai a ni a. Chunglama bar khamah lei rap lovin, ban timar atin an uaia, chutah an kiu-ah ban tithlepin an inpawt kâng a, bar kham chungah an khabe an dah chhuak a, chumi zawhah ban timar an uaithla leh thin a, hetianga pull-up tihchhung hian kein lei a tawk tur a ni lo va, Guinness guideline-ah chuan record siam tur chuan ban pawh tihmar at at tur a ni a, khabe hi bar chunglamah an dak chhuak ngei ngei tur a ni bawk.
Hetiang hian vawi engzat nge i tih theih? A tam zawk hi chuan vawi hnih khat kan thei kher lovang, mahse, Chinese fitness influencer, Xie Ting, kum 44, chuan minute khatah a kum zat chiah, vawi 44 pull-up tihmanin, hmeichhe zinga minute khata pull-up tihnem thei ber record a siam.
A hmaa hetiang record chu 2022-a American athlete Inga Simning siam niin, ani hian minute khatah vawi 39 pull-up a tihman a, he record hi Xie Ting hian a rawn khum ta a ni.
Xie Ting chuan, “Record thar ka siam naa hmasawn zel thei ni chuan ka inhria a, tun aia tha zawka ti thei tur ka la ni. Tih leh hunah chuan hei aia score sang zawk kan tum ang chu,” a ti.
Minute 1-a pull-up ti hnem thei record siam
Get real time updates directly on you device, subscribe now.