Mipa chu a dik lohna hrilh rawh
Mipa chu a tih dik loh leh tihsual te hrilh hreh suh. Relationship lama mithiam ten mipa chu a dik lohna leh tihsual te kan hriattir loh chuan mahni a inhriatchhuah hmeichhia aiin an harsat zawk, hmeichhe tan pawh chu chu hrilh hreh loh tur a ni.
1. Hmeichhia ten phone-a inbiak nikhuain han titi muan deuh te an duh thin a, chutih laiin mipa tam zawk chuan tawi fel taka inbiak mai thain an ngai a. Hetianga an tih hian anmahni betu hmeichhe tan, “Min be tha peih lo a ni maw,” tih phah mai te pawh a awlsam thin. Chu chu i hrilh loh chuan mipa chuan a hre dawn lo.
2. I harsatna leh i vei zawng te i sawi mawlh mawlh laia ngaithla tluan zak peih mipa an tam lo. Hetiang hunah hian mipa chuan ngaithla niawm taka awm a, hmeichhia te tihlungawi an tum thin a. Chutah hmeichhiain a chhanletna an beisei hunah sawi tur mumal an nei leh thin si lo. Chuvangin, hemi kawngah hian mipa te fimkhur a tul hle a, hmeichhia te pawhin chu chu an hrilh hreh tur a ni lo.
3. I kawppui chu a harsatna zawng zawng i sutkian pui thei lo a ni thei a, mahse rilru lam support erawh i pe thei a, chu chu harsatna tawh changin a pawimawh hle. Mahse, chutiang hunah chuan mipa ten hmeichhia ten engmah an ti thei tak tak chuang lo, tiin engmah hriattir ve loh te an ching a. A harsatna te a hrilh loh che chuan i lawmloh thu leh a dik loh thu te hrilh rawh. Chutiang hun atan chuan a kawppui i ni a, a nuam leh a hrehawm atan a kawppui i ni tih hrilh rawh.
4. Mipa ten hlawhchham nih te an hreh a, an tihsual pawm te hi an hreh a, i duh loh phah ang tih a hlauh vang a ni. Chu chu a dik lo tih hrilh ang che. A thiam lohna leh fel lohna leh dik lohna te nen i hmangaih a ni tih hriattir la. A hriat loh leh thiam loh te hria leh thiam anga lan a tum tlat hi i tan a ngeiawm zawk tih hrilh ang che.
5. Hmeichhia thil hi chipchiar taka hriat an chak thin a, mipa erawhin tawi fel tak sawi an tum thin. Hmeichhia chuan chipchiar leh kimchang takin thil a hrialh thin a, , chutianga ti ve turin mipa chu phut luih tlat tur a ni lo a, mahse, chipchiar taka hriat ve i chak thu te chu tha taka hrilh zawk mai tur a ni.