Mipain i hriat atana duh te

Mipa ten an rilru hi hmeichhe bulah an sawi tha duh zen zen lo, sawi kher lo leh chetziaa lantir kher ngai loa hmeichhia ten hria se tih deuh deuh an nei niin relationship lama mithiam ten an sawi a, chungte chu kan rawn tarlang e.
1. Mipa chuan an rilru hrehawmna te an thup viau pawh a ni thei a, mahse, mittui tlak chang te an nei ve a. Chutiang hunah chuan hnem la, kuah la, ei tur tuihnai te ngaihtuah sak la, chu chuan a rilru natna leh hrehawmna te a chhawk ngei ngei ang.
2. Mipa ten hmeichhe rilru hi an hrethiam tak tak lo. I chetzia atanga i rilru leh ngaihdan te hrethiam turin beisei suh. I awmdan atangin eng emaw dik lo a awm tih te chu a hrethiam ve mai thei, mahse, i rilru hriatthiam pui tur chuan beisei suh. Chetziaa lantir lovin tawngkaa sawi mai thin zawk tur a ni.
3. Mipa lakah hmeichhia ten pangchan an chak ang bawkin mipa te pawhin pangchan chak chang an nei ve thin.
4. I ngai a ni tih lantir thin rawh. Inkuah satliah a ni emaw, kuta invawn emaw, infawh satliah emaw te pawh, amah i ngai a ni tih lantir nan ti fo rawh.
5. Inchhai vel hi nuam an ti ve tho, romantic dinner ei dun i chak ang bawkin mipa pawhin an chak ve a, inkai riala lendun mai mai te pawh.