Mipui chhiah tlingkhawm atangin kawng hi siam a ni – K Hrahmo

Mipui chhiah tlingkhawm
atangin kawng hi siam a ni
– K Hrahmo
Mipuiin oil chhiah an pek tlingkhawm atangin kawngpui chu siam a nih avangin siam awm hliah hliah zawk a ni tih MLA K Hrahmo chuan a sawi.
Zirtawpnia an State office-a inkhawmah BJP State Core Committee member K Hrahmo, MLA chuan, Mizoram sawrkarin kawngpui an siam chu a tihthat hle rualin, kawngpui an siamna hi mipui thawh khawm, petrol (litre khatah Rs.5) leh diesel (litre khatah Rs.7) tax kan chawi atanga tlingkhawm Rs. 46,88,73,326 sawrkarin a hmuh avangin kawng hi a siam thei chauh tih hriat tlan a tha tih a sawi a. Heti zat sum a tlinkhawm avang hian kawng an siam pawh hi a awm hliah hliah zawk tih a sawi a ni.
India ram sum dinhmun enin, Mizoram sawrkar chu Special Assistance to States for Capital Investment (SASCI) puk hnem ber a ni tih sawiin, “SASCI sum tel loa Mizoram sawrkar a kal hleithei tawh lo hi state dang nen kan inanlohna lian tak pakhat a ni,” a ti.
Indona avanga khawvelin harsatna a tawh mek laiin, India chu Prime minister Modi hmalakna ropui tak leh mi thiam tha tak tak avangin nitin mamawh oil leh gas pawh an phur tlang thei a, hei vang hian India rama intellectual leh neutral-ten an fak nasa niin BJP MLA hian a sawi a ni.