Mipui thlir chak chung leng leh hnuai leng indona!
-- Advertisement --
Zarkawt vs College Veng, Chanmari vs Bethlehem VT
A hmuhnawm dawn!
Icfai University Inter Veng Under 23 Mriv buatsaih, Hawla Indoor Stadium a khelh chu a hmawrbawk a hnai a, team sawm ruk pali atangin team tha pariat chiah an dam ta – quarter finals a hmuhnawm dawn e.
Quarter finals match no 1
Zanin dar 6:30 a khelh turah hian Mizoram basketball inpui Zarkawt vengin College Veng an hmachhawn tur mawlh hi Hawla Indoor Stadium pan chhan tlak a tling.
Zarkawtah hian MSL Club Mission Veng Hotshots player Hnehpuia leh Ruatkima an awm a, innghahna tham an ni.
Remruatsanga, Ramluana leh Sangluana te hi tualchhung basketball chin chang hria an coach Dino-a leh Marc Tetea te hian an chhawr thiam a, an tlo phah.
Veng lian ni lo mah se, ‘basketball hian thalaite eizawnna (profession) pe vek kher lo mah se, nun vawn ulukna (discipline) a pekin rah tha a chhuah’ tih hmu thiam veng rilru zau halh an ni a – an nau te tawiawm turin an rawn thawkchhuak leh huk ang.
College Veng lamah hian hruaitu tha, team enkawltu pakhat an nei – a hming chu Coach Dawnga a ni.
Ani hian lar leh langsar vut si lo a player-te a remkhawm thiam a.
An player tha Tleipuia hian Rindika, Pekhlua leh Hlutea te nen Mission Veng an barakhaih tuma an khelh ang khan an khelh leh phawt chuan dan an harsa ang!
Hawla Indoor Stadium hnaih veng an ni a, Zarkawt meuh lehthal tur chuan mipui an rawn thawhchhuah that hle a tul tawh ang!
Quarter finals match no 2
Inkhel hnuhnung zawkah Chanmari vengin champion nomawi chawi rinkai ni phâk Bethlehem Vengthlang an tum zui tur hi boruak a sang viau ang.
Veng leh veng inkhelh hi club inelna te anga game level sang a ni lo thin nang a, Mizo thinlung chhun ngâih zawnga mahni veng tana thapui chhuaha inbei leh inhmachhawn an nih thin tawh avangin boruak a tang viau zel.
Chanmari veng hian MSL club an neih hnu hian tualchhungah basketball boruak a chawi alhin a lar phah a, anni tan hian Bethlehem Vengthlang laka chak loh hi a tlawm thlak dawn!
Engtik lai maha veng aiawh thil a nih tawh phawt chuan tawiawmtu tha nei thei reng, Bvt tan Chanmari hneh lohna chhan tur hi a awm bik lo!
Player an nei tha rual seng sawng viau a, an phur kum a tih theih. |um dang ang a nih chuan Bvt fans tan kal hma a fin thlak ang.
Hoops Mania Time Out
Mizo ten 3X3 intihsiakna bik kan thiam leh kan sulhnu that zia hi tun ?um U 23 player-te hi a hrechiangtu an ni.
Mizoram Basketball Association (MBBA) calendar-ah ngaihven tham pakhat a chuang.
Chu chu 5th 3X3 Under 23 national basketball championship, June ni 12 – 14 hian Kochi, Kerala ah neih a ni dawn a, hemi chungchang hi bengkhawn ran a fuh ang.