Misualin Bissouma sana man to an chhuhsak

Kan hnung deuh khan misual pahnihin man betin Tottenham midfielder Yves Bissouma sana man to bun lai an chhuhsak lui!
Mali international leh a nupui chu Cannes-ah chawlh hmangin an zin a, an vakchhuak hotel-a a va kirlai takin kum 27 mi hi tu tih hriat loh hmaituam pahnihin tear gas hmanga lo beiin, a talbuai vel laiin a sana bun lai an chhuhsak a, an tlanchhe zui ta niin a ukil Bastien Caire chuan media hnenah report a pe.
Bissouma sana hi euro 300,000 (£255,000) tehreng man niin, a sawi chin bak hi ukil chuan zawhna dang chhanbelh tur a awm rih loh thu leh investigation a kal mek thu a sawi.
Tottenham pawhin thuchhuah siam ve nghalin, thil thleng an hriat thu leh an player leh a chhungte himna an ngaihtuahpui reng thu an sawi.
Bissouma hi kum 2022 nipui lai khan Spurs chuan Brighton a\angin pound maktaduai 25 bakah a belhchhahna neuh neuh dang nen an senglut a; season liamta khan north London club tan game 28 khelin a team chu Premier League-ah pangana a nihpui a, Europa League khel turin an tling.