Mit tuam chunga tomato chan rang record siam

Tomato intiat sang maia zailep hi mi tam zawk tan chuan thil awlsam a ni lo tlat, Canadian chef Wallace Wong, aka Six Pack Chef cuan mit tuam chungin minute khatah tomato pum 9 chu intiat sangin a chan thei a, Guinness World Records a siam. Wallace Wong hian tomato pum 13 a chan hman a, mahse, a endiktu lamin an endik hnuah tomato pum 4 chu a chan dan a intiat rual lo tiin a hnawl sak ta zawk a ni.
Guinness World Records guidelines-ah chuan record siam tur chuan tomato pum khat chu hmun riatah a intiat sangin zai lep tur a ni a, Wong-a tomato zailep pum li chu hnawl sak mah se pum kua a la nei tho a, Guinness World Records a siam tho a ni.
Wallace Wong hi Guinness World Records-ah a mikhual tawh bik lo a, mit tuam chunga second 30 chhunga fanghma zailep hnem thei ber record te pawh a siam tawh a, second 30 chhungin fanghma hmun 166-ah a zailep hman a, he record hi nikuma a siam kha a ni. Hei bakah hian mit tuam chungin second 30 chhungin carrot hmun 121-ah a zailep hman a, hei pawh hi record tho a ni a, second 30 chhungin mit tuam chungin purunvar 127-ah a zailep hman a, hei pawh record tho a ni bawk.