Mizo film thar ‘Benga’ zanin a\angin en theih dawn

Mizo film thar, action comedy ‘Benga’ tih chu zanin dar 8:00 atang hian Lersia Play-ah en theiha chhawp chhuah a ni dawn ta. ‘Benga’ hi David Ruata direct niin, Lada Pictures produce a ni, a changtute hi Mizo lemchan khawvela hmelthar an ni.
Benga hi film danglam tak niin, Mizo film-a kan la hmuh zen zen loh, thiltihtheihna danglam tak nei a ni. Thuneitu sang zawk ten an thuneihna dik lo taka hmanga, dan leh mipui pawisa loa hlawkna an um avanga mahni hmasial taka pawi an khawih thin kara tum loh deuha an buainaa inhnuk lut, dik taka thil tih duhtu Benga chuan mawhphurna lain, dan bawhchhiatna hriat chhuah chu amah ngeiin chinfel a tum ta a ni.
Mizo kutchhuak movie plot kan la hmuh ngai loh a nihna hian en a tichakawm zual hle. He movie hi Lersia Play-ah August 16, 2024 (Zirtawpni) zan dar 8 atangin lei theihin a awm dawn a, a man tlawm ber hi Rs. 177 a ni dawn a, a man to ber (Full HD) hi 354 man a ni thung ang.