Mizo hmeichhe hockey team che\ha mek

March 13-23, 2024 chhung awh tur Pune-a khelh mek 14th Hockey India Senior Women National Championship 2024-ah Mizoram hmeichhe hockey team chuan he thu buatsaih lai thleng hian match hnih khel tawhin, an tumpuite nasa takin an sawp ve ve.
Mizoram hi Pool F-ah Himachal Pradesh, Punjab leh Rajasthan-te nen awmhoin, Zirtawpni tlai khan an match hmasa berah 10-0 tehrengin Himachal Pradesh an sawp a; nimin, Pathianni khan an pool match vawihnihnaah 20-2 ngawtin Rajasthan an hneh leh!
Mizo team hian vawiin chawhma dar 10:30 hian Punjab an su zui leh dawn a, hei hi an pool match hnuhnung ber tur a ni ang a, an chak chuan quarter-final an lut ang.
Tuntuma Mizoram hmeichhe hockey team player-te hi international player-te an ni nawk hlawm a; India team innghahna lian pakhat ni Lalremsiami Hmar chuan a ho thei a; phaituala hockey khela eizawng mek professional rual an ni a, an lakah hian beiseina pawh a sang hle a ni.

Hockey Mizoram Team List

1. Lalremsiami (RCF Punjab)
2. H. Lalruatfeli (Central Railways)
3. Lalhlunmawii (Central Railway)
4. Lalrindiki (Central Railways)
5. Marina Lalramnghaki (South Eastern Railway)
6. Divia Thepa (G) (Centeal Railway)
7. KT Lalhlimpuii (National Umpire)
8. Lalrinpuii (NCOE Bengalaru)
9. Agnes Malsawmkimi (NCOE Bhopal)
10. Lalthantluangi (NCOE Bengalaru)
11. F. Lalbiaksiami (NCOE Bengalaru)
12. Merabi Lalruatfeli (NCOE Delhi)
13. Lalneihpuii (NCOE Delhi)
14. Vanlalhritpuii (STC Thenzawl)
15. Lalpeksangi (STC Thenzawl)
16. Elizabeth VL Lawmkimi (STC Thenzawl)
17. Vanlalhriatlawmi (STC Thenzawl)
18. B. Lalrinpuii (STC Thenzawl)

Manager :
K. Lalchamreii, Joint Secretary, Hockey Mizoram

Chief Coach :
Lalro\huami (Btei), NIS Hockey, Thenzawl

Asst. Coach :
Rosalind Lalchhanhimi Ralte, NIS Hockey, Railways