Tun kartawp Zirtawpnia khelh zawh tura ruahman 14th Hockey India Sub Junior Women National Championship 2024 khelh mekah nimin khan Hockey Mizoram team chuan quarter-final match pakhata an khingpui Uttar Pardesh chu sikhat faia hneh lehin semi-final an lut a, Madhya Pradesh nen final luh an inchuh ang.
Nimin last eight match-ah Mizoram tan captain Laltlanchhungi chuan penalty stroke hmangin goal awmchhun a khung.
He match-ah hian goal khung lo mah se jersey number 17 hatu Vanlalrinhluii Player of the match
India hockey hi eng level-ah pawh a hniam tak tak thei lo a, ram chhunga langsar tur pawhin world class player nih a ngai hial a, Mizote tan pawh Olympic kan hnaihna ber pakhat a ni chho mek a, chutih laia national huap junior level-a kan tleirawlte thlen chin hi a ngaihnawm a, Mizo player-te lakah beiseina sang tak nghah loh theih a ni lo.
Tarlan tawh angin, Secunderabad, Telangana-a 14th Hockey India Sub-Junior Women National Championship 2024 khelh mekah Mizo team hian pool match vawili khelin, an tumpuite an sawp fai vek a; a hmasaberah 11-0 tehrengin A runachal Pradesh an hneh phawt a; chutah 4-1-in Chandigarh an sawp leh a; a vawithumnaah si sarih faia Kerala nawpin, quarter-final chin erawh a dan a dang ta deuh a, state lian leh pool D champion ni bawk Uttar Pradesh lakah hnehna an chang hram a ni.
Tarlan tak angin, Mizoram hian naktuk, Ningani hian semi-final pakhatah a zawna vawithum lo champion tawh Haryana meuh hnehtu Madya Pradesh an tum leh dawn a, inkhel awlsam tak a ni lo ang.
Mizo hmeichhe hockey team-in Semi-final an chuangkai
Get real time updates directly on you device, subscribe now.
Prev Post