Mizo infiamna hmangin inel

Broadcasting Infrastructure & Network Development (BIND) hnuaia Doordarshan Kendra leh Mizoram Indigenous Games Association (MIGA) buatsaihin Khawzawl district tan Mizo hnam infiamna hmanga inelna ‘Mizoram Indigenous Games 2024’ chu Thawhlehni khan Khawzawlah district bawrhsap K Lalrohlua’n a hawng.
Mizoram Indigenous Games 2024 hi district headquarters tina neih a ni dawn a. Tunah hian Khawzawl district-a YMA branch 14 atangin infiammi 19 an kalkhawm. Mimal inelna – insuknawr, insaihruipawh, inbuan bakah a huhoa inelna – inkawibah leh inkepir hmangin an inel dawn a ni.
Intihsiak hi Mizo hnam infiamna vawnhim leh chawilar zel an nih theih nana buatsaih a ni a. A vawikhatna atan Serchhip district-ah neih a lo ni tawh a, Khawzawl district zawh hian Saitual district-ah buatsaih leh a ni ang.