Mizo rawlthar ten medal pali an la

India rama Badminton inelna lian leh ngaihhlut hlawh, Yonex-Sunrise All India Junior Ranking Badminton Tournament 2025 chu Panchkula, Haryana-ah April ni 25, 2025 atanga May ni 2, 2025 chhung khan neih a ni a. Inelna ngaihhluthlawh takah Mizo ten medal pahnih an la.
Hliam in a tihbuai vanga season liam taah beisei phak lo |hazuala chuan seed no 11-na ni chungin inelna a hmachhawn a, dam tha taka inlanin a champion. |hazuala hian inkhel a hmachhawn hmasa pahnihah set khat hloh ve ve chungin hnehna a chang a. Khel tha tawlh tawlhin semi-final leh final-ah set hloh a nei lo. Semi-final-a a khingpui Suryaksh Rawat chu 21-14, 23-21-a a hneh hnuin final-a a khingpui Ansh Negi chu 21-19, 21-16 in a hneh zui leh a, Junior National Ranking Tournament-a Boy’s singles cataegory-ah ropui takin a champion zui ta a ni.
|hazuala hi Tata Trusts, NEIDA, MSSC leh MBA te thawhhona hnuaia din, Grassroot centre leh Regional Development Centre chhuak a niin, Pullela Gopichand Badminton Academy (PGBA), Hyderabad-a inzir mek a. Mizo zingah Junior National Ranking Tournament-a Boy’s singles cataegory-a champion thei hmasa ber a ni a, record duhawm tak a siam.
|hazuala a champion lai hian Mizo rawlthar Lalramsanga chu final-ah a vanduai a, silver medal pahnih a la. Ramsanga hi Under-19 Mixed doubles-ah Pragati Parida nen inkawpin, seeded no 2 niin tournament an hmachhawn a. U-19 Boy’s doubles category-ah Bjorn Jaison nen tangdun in, seeded no 3 ni chungin inelna an hmachhawn. Inelna a hmachhawn pahnihah hian final an lut ve ve a, category hnihah final lut bawk mah se tlawm zawkah an tang ve ve a, Silver Medal an hlawhchhuak. Champion zo ta lo mah se Ramsanga hi Mizo zingah National Junior Ranking tournament pakhatah category pahniha final thleng thei awmchhun a ni.
Final pahnihah Ramsanga a vanduai lai hian Serchhip tleirawl Lalrempuii chu semi-final-ah a vanduai a, semi-final-a an khingpui Taarini Suri leh Shravani Walekar te lakah an chesual palh a, bronze medal an dawn phah ta a ni.
Inelna lian leh nghaihhlut hlawh takah Mizo in Medal pali ngawt an la thei hi Mizoram Badminton Association (MBA) chuan lawmawm an tih thu an sawi a. Mi tleirawlte hlawhtlinna hian phurna namen lo tak a pek thu an sawi tel bawk.