Mizo Writers Association (MWA) chuan Mizoram University hnuaia under graduate final year (sixth semester) exam-a Mizo subject-a pakhatna hnenah R Buchhawna Proficiency Prize a hlan.
Inrinni khan a hlanna hi buatsaih a ni a. Chawimawina hi R Buchhawna fanu Zochhingi’n BA final year Mizo subject-a pakhatna Priscilla Lalduhsaki, Phulpui/ Mission Veng, Pachunga University College hnenah hlanin, sumfai Rs. 10000 leh thuchei a keng.
R Buchhawna fanu Zokhumi Vankung-in thu a sawi a, MWA Committee member Gladys Lalhruaitluangi’n R Buchhawna chanchin a chhiar a; MWA financial secretary PC Lalrinpuia’n Proficiency Prize dawngtu a kawm a ni.
MWA hian kum 2008 atang khan exam hrang hranga Mizo subject-a titha ber hnenah proficiency prize chi li an hlan thin a; HSLC-a Mizo subject-a ti tha ber hnenah Ch Pasena Proficiency Prize, HSSLC-a Mizo subject-a titha ber hnenah Lalmama Proficiency Prize, BA Mizo subject-a titha ber hnenah R Buchhawna Proficiency Prize leh MZU-a MA Mizo subject-a titha ber hnenah J Malsawma Proficiency Prize an hlan thin a ni.
Mizo subject-a titha chawimawi
Get real time updates directly on you device, subscribe now.
Prev Post