Mizo thalaiin award dawng
Rivca Lalnunsangi d/o Lalchhandami Khiangte, Zotlang Aizawl leh Jonathan VL Remruata s/o Masthangi, Khawzawl chu North East Zone Cultural Centre (NEZCC) buatsaih Young Talented Artiste Award 2022- 2023 atan Mizoram atanga dawng tura thlan an ni.
Rivca Lalnunsangi hian creative arts (painting) category-ah award dawngin, Jonathan VL Remruata hian painting category ah a dawng.
North East Zone Cultural Centre (NEZCC) hi sawrkar laipui Ministry of Culture nen an thawkdun a. Young Talented Artiste Award hi kum 2002 atanga sem tanin, hmarchhak state 8 atanga artist-te tana buatsaih a ni. He award hi NE state hrang hranga mahni hnam lemziah leh cheimawi lam leh hnamzia kentel hmanrua a bo mai lohnana buatsaih a ni a. Sumfai Rs. 20000 leh citation a kengtel a, award dawngtute tan kal leh haw man bakah thlenna an tumsak bawk.
Young Talented Artiste Award hi India mi, hmarchhak state 8 zinga piang, kum 18 atanga 30 inkar tan a dil theih a. Folk art hrang hrang – lemziah (painting), lem tuk (sculpture), hnang tah (weaving/ carving), thing hmanga lem tuk (wood carving), hnam lam (folk dance), hnam zai (folk song), hnam rimawi tum thiam (folk musician) adt. tan a dil theih.
Award hi Arunachal Pradesh, Assam, Manipur, Mizoram, Nagaland, leh Tripura atangin artist 17-in an dawng a. Kum 2022- 2023 a dilna lut hi kum 2024-ah endik niin, 2025-ah award ceremony hi neih a ni. Shilpgram NEZCC Guwahati ah huaihawt a ni.
Mizoram atanga award dawng pahnih hi Mizoram Art Development Society member ve ve an ni.
Mizo thalaiin award dawng
Get real time updates directly on you device, subscribe now.
Prev Post