Mizoram badminton thuthar
Karliamta Zirtawpni khan Mizoram Badminton Association (MBA) chuan hun pawimawh hmangin, charity khuhhawnna leh kum 2022-2023 chhunga player chethate chawimawina hun a buatsaih a, Saitluangpuia leh Lalthazuali kutah ‘player of the season’ nihna hlan a ni.
Mizoram Pollution Control Board Conference Hall-a MBA hun pawimawh hi Mizoram Badminton Association vice president C. Lalduhawma’n kaihruaiin, Hachhek Constituency bialtu MLA Lalrindika Ralte chuan khuallian niin a hmanpui.
MBA Charity hi Mizoram chhunga badminton player harsate chhawm-chhuahna’na duan niin, sum leh pai leh badminton khelhna hmanrua mipuite’n an thawhkhawm theihna tur leh chumi hmanga player harsa zawkte’n tanpuina an lo dawn theihna’na din a ni a, sum leh pai bakah thawmhnaw hman hluite thlenga thawh theihna tura duan a ni.
He hunah hian kum 2022-2023 chhunga Mizoram badminton player chethate hnenah lawmman hrang hrang semchhuah a ni a, chungte chu: MBA Awards, EcoSave Mizoram Incentive Award leh MBA Player Support-te an ni.
Tuna Pullela Gopichand Badmin-ton Academy-a awm mek, Ramhlun Venglai tlangval leh Bawngkawn Badminton Club player ni bawk Saitluangpuia Sailo chuan MBA Mipa Player of the Season chawimawina a dawng a, hei hi Mizorama tournament lian ber ber pahnih MBA Official Championship leh MBA Finals-a a champion vang a ni.
Hmeichhe lamah Saron Badminton Club tana khel mek leh Saron veng nula ni bawk Abigail Lalthazuali chuan he chawimawina ngaihhlut hlawh ber hi a dawng bawk.
Ani pawh hi MBA Official leh MBA Finals-a champion thei a ni.
Chawimawina dawng thei Mizo shuttler-te hi kum 18 hnuai lam ve ve an la ni.
Player of the Season (Junior Boys) lawmman chu H. Lalthazuala, Chan-mari West, Ralte Villa Badminton Club player kuta hlan niin, ani hi junior category bikah national level-a singles champion kan neih theih hmasak ber a ni a; Under-17 player niin India rama badminton player hmabak nei eng berte zing ami a ni nghe nghe.
Hmeichhe lamah Ralte Villa BC tana khel mek Lalrempuii (Serchhip) chuan he award ngaihhlut hlawh tak hi a dawng ve thung. MBA Awards hian pawisa fai leh trophy a keng tel.
National level (junior leh senior)-a quarter-final thleng phakte tan EcoSave Mizoram Cash Incentive Award chu semchhuah a ni bawk.
He lawmman dawngtute chu:
-- Advertisement --
i. Sainunmawia Sailo (boys singles), Ramhlun Venglai
ii. H. Lalthazuala (boys singles), Chanmari West
iii. Malsawmhlua (boy’s doubles), Serchhip
iv. Vanlalpekhlua (boy’s doubles), Serchhip
He cash award hian singles inelna huangah mipakhat tan Rs. 50,000 zel a keng tel a; doubles category-ah mi pakhat tan Rs. 25,000 zel lawmman pek niin, EcoSave Mizoram neitu Joseph K. Lalmuanpuia, Ramhlun Venglaiin Mizote’n badminton-a hma kan sawn zel theihna’na a donate a ni.
MBA Players Support hi Na-tional Ranking Tournament-a main draw lutte leh mahni sum senga National Ranking Tournament (senior category) khelte hnenah pawisa faiin pek thin an ni a, main draw an khelh phak apiangin lawm-man hi a hrana pek zel an ni.
He lawmman dawngtute leh an dawn zat thlirpui leh teh ang:-
i. Sainunmawia – 1
ii. Malsawmhlua – 2
iii. Vanlalpekhlua Sailo – 2
iv. Lalnuntluanga – 1
v. Lalrempuii – 2
vi. Lalrinhlui – 1
vii. C. Lalramsanga – 1
viii. Abigail Lalthazuali – 1
ix. C. Lalramzauva – 1
x. Joseph Lalhruaitluanga – 1
xi. Joseph VL Ringngheta – 1
xii. Vanlalhriatrenga – 1