Mizoram House sa duh enthla mek

Mizoram House sa duh enthla mek
India ram state dangah Mizoram House sak an duh a, state sawrkarin sum a neih loh avangin hmundang atanga sum ngaihtuah thei leh sa thei nia insawite chu a takin an tipuitling thei dawn em tih an enchhin mek thu chief minister Lalduhoma chuan a sawi.
Assembly Session-ah GAD changtu chief minister chuan, Guwahati bakah Bangalore, Mumbai leh Churachandpur (Manipur) ah Mizoram House mamawhna a sang a, state sum atang chuan tih ngaihna a awm rih lo tih a sawi. Mumbai bik hi House sa tura Mizoram sawrkar nena inremna siampui tawh an awm a, hma an lak zui loh avangin sawrkar chuan agreement tih tawpsak a tum mek tih a sawi.
House sakna sum ngaihtuah thei tur leh sa thei tura insawiten sawrkar an rawn dawr a, indawrna a kal mek tih chief minister hian sawiin, a takin an sa thei dawn em, tih chu la enchian ngai a ni tih a sawi a ni.
“An insawi dan chuan Bangalore leh Churachandpur ah hian an sa anga, tul dangah pawh kalpui zel thei tur niin an sawi a, a tak tak a nih dawn leh dawn loh kan nghak mek a ni,” chief minister hian a ti.