Mizoram-in infrastructure
development a dawng nasa
– MBJP president
Prime minister Modi kaihhruai BJP sawrkar hnu ah Mizoram-in infrastructure development a dawng nasa hle tih BJP State president Vanlalhmuaka chuan a sawi.
Thawhtannia an party office-a inkhawmah BJP Mizoram president chuan development tha leh rotling kan neih mek chu PM Modi kaihhruai sawrkara kan hmuh a ni tih sawiin, “Sairangah rel a lo lut thei ta a, double lane tha tak tak min pe in laih mek a ni. Aizawl By-Pass Road pawh Aizawl traffic jam tih ziaawmna atan sum min pe tawh a, hna thawh mek a ni. Infrastructure development hi BJP sawrkar hnu hian nasa takin kan dawng a ni,” a ti.
Heng bakah PM schemes kaltlangin miretheiten hamthatna kan dawn nasat rualin, a nihna anga hman a nih thin loh avangin vawiin thlengin miretheite leh mipui PM scheme chhawr theiten a nihna ang takin an chhawr thei thin lo tih a sawi.
“A bikin ‘Housing For All’ hmanga in sak tanpuina dawngten an la sa zo thei lo. Heng zawng zawng thlir hian Mizoram mipui hi kan harh a hun takzet. BJP-in sawrkarna kan chan loh vanga kan chan tur ang kan chang thei lo thin te hi a pawi a. Mipui leh miretheite, kuthnathawktute hian kan hmalam huna lei rem kan rah vena tur ngaihtuah a, party politics atchilhna dahtha a, hmalam thlir turin Mizoram mipui ka sawm a ni,” Vanlalhmuaka hian a ti.
Mizoram-in infrastructure development a dawng nasa – MBJP president
Get real time updates directly on you device, subscribe now.