Mizoram Karate Team kutah medal 8
December ni 6-8, 2024 chhunga Yadavashree Auditorium, Tenkila Puttur, Karnataka-a khelh zawh tak
42nd BKI National Karate Championship 2024-ah Mizoram Karate Team chuan gold medal pathum, silver medal pahnih leh bronze medal pathum an hlawhchhuak.
Mizoram State Sports Council bultumin All Mizoram Karate Association chuan player panga a tirchhuak a, naktuk, Ningani hian Mizoram an rawn thlen beisei a ni.
Mizoram team hi Kolasib khua ve ve Shihan John Lalchungnunga leh team coach Sensei Zoremmawia Hlondote’n an hruai.
Mizoram tan hian John Lalchungnunga (Black Belt) chuan 40+yrs. Individual Kata-ah bronze medal awrhin, Zoremmawia Hlondo (
Black Belt) pawhin 30-40yrs Individual Kata-ah bronze a dawng ve bawk.
Henry Vanlalrinawma (
Black Belt) chuan 17yrs
Individual Kata-ah gold medal dawngin,
Kumite 50-55kgs huangah silver medal a thawkchhuak a; Isaak Lalpianhuna Hlondo (Black Belt) pawhin 12yrs Individual Kata-ah gold medal dawngin,
Kumite Below 30kgs huangah silver medal a la bawk.
Ethan Lalngaihawma chuan 8-9yrs Individual Kata-ah gold medal lain,
-- Advertisement --
Kumite below 25kgs huangah bronze medal a awrh tel bawk a ni.
All Mizoram Karate Association chuan an naute hlawhtlinna lawmawm an tih thu sawi chungin a bul tumtu ber Mizoram State Sports Council (MSSC) chungah lawmthu an sawi.